الاثنين، 10 أغسطس 2009

هدية الرحمن ... هل تقبلها ؟؟؟

أولا كل سنة والناس كلهم طيبين وفي صحة وسعادة وهنا فاضل ياجماعة 11 يوم بس ويبدأ شهر رمضان وتزيد كرامات ربنا وفي ناس كتير ربنا هايرحمهم من العذاب وفي ناس كتير ربنا هايغفرلهم وفي ناس ربنا هايعتقهم من النار وفي ناس ربنا هيبلغهم ليلة القدر ... ياتري أنت عاوز إيه من ربنا السنة دي؟
حدد هدفك من رمضان أولا وياريت كل واحد مننا يكتب هدفه من رمضان في ورقة ويحطها في اكتر مكان واضح قدام عينه زي مثلا السرير .. الدولاب .. شاشة الكومبيوتر .. في العربية المهم تكون قدام عنيك على طول وماتبطلش تفكير في الهدف ده وفي نفس الورقة اكتب أساليبك لتحقيق الهدف ده وياريت مانزهقش بعد يوم أو يومين ونداوم على الفكرة دي لأخر يوم في رمضان وبإذن الله ربنا هينعم عليك بالرحمة أولا ثم المغفرة ثانيا ثم يهبك بإذنه الجائزة الكبرى وهي العتق من النيران. وفي آخر الشهر كلنا هانكتب إحنا عملنا إيه فعلا علشان نحقق الهدف ده ومحدش يقولي اللي انا عملته ده بيني وبين ربي لأ ربنا بيقول " وفي ذلك فليتنافس المتنافسون ". وكل واحد منا هايكتب بوست عن الفكرة يوم 21 أغسطس وكل واحد يكتب عن هدفه وناوي يحققه إزاي علشان نفيد بعض وكلنا هانكتب تحت شعار واحد وهوه " أمن يجيب المضطر إذا دعاه " وياريت كلنا ننشر الفكرة دي علشان صحبتنا دي نلاقيها في الجنة برضو وياريت كل واحد يحكي لأصحابة وقرايبه وجيرانه. وكلنا هانحط الصورة دي تحت الشعار.

أحب بس أقولكم إني مسافرة اليومين الجايين أروح أصيف بقى علشان أصفي نيتي قبل رمضان وربنا يهديني وأبطل أكل شوكولاتة وهارجع إن شاء الله على رمضان فاعذروني لو مقدرتش أرد على تعليقاتكم. كل سنة وأنتو طيبين






هناك 28 تعليقًا:

ديالا يقول...

ربنا بجد يجازيكي خير

وباذن الله كلنا نعلن عن الفكره دي في مدوناتنا كلنا

ربنا سعدك بالمصيف ياقمر

تروحي وترجعلنا بالسلامه

ديالا يقول...

شفتي بردهالك ازاي

جيتي واحتليتي اول تعليق عندي

وسبحان الله انا برضه برد الاحتلال

فليسقط الاستقلال

موناليزا يقول...

كل سنة وانتِ طيبة ويارب يبلغنا رمضان ويعينا على صيامه وقيامه
وترجعى بالسلامة ياحبيبتى

رنونة حكومة ميخو يقول...

شيكولاتى وميرسي على كلمتك ع المدونة انتى وحشتينى جدا ربنا يصبرني على بعدك والله .....
برافو عليكي والله انك كتبتى موضوع عن رمضان ... الواحد بعيد عن ربنا اليومين دول قوي ...
مش هينفع ييجى رمضان عليا وانا كده.... انا بقترح ان كل اللى يقرى الموضوع يكتب هوه بيجهز لرمضان ازاى دلوقتي... عارفة يا شيكولاتتي الشعار اللى بيحفزنى قوي هوه (( لن يسبقنى الى الله أحد))
بحس انى لازم اعمل كل اللى فى وسعي عشان ابقى اقرب واحدة لربنا فى رمضان وبعده ان شاء الله حتى لو ما كنتش كده بس بابقى عملت حاجات عمرى ما اتخيل انى اقدر اعملها.
طول عمرك عسله يا شيكولاتايه زى اخوكي بالظبط هتجننونى

شوكولاتة يقول...

ديالا
والله المدونة نورت بالرغم من تعليقاتك اللي مترشقة في كل حته في المدونة دي تيجي تصيفي معايا؟؟؟
وربنا يوفقنا كلنا ويغفر لنا
رمضان كريم
أمووووووووووووه

شوكولاتة يقول...

موناليزا
وأنتي طيب ياعسل يامنوراني دايما وربنا يعود علينا الأيام بخير بس أمانة تنفذي الفكرة
كل الحب

مسدس صغير يقول...

اللهم وكما بلغتنا رجب وشعبان فبلغنا رمضان
واغفر لنا فيه ذنوبنا
وتجاوز عن مسيئنا
احييك على البوست
جزاكم الله خيرا

شوكولاتة يقول...

والله انتي اللي هاتجننيني انتي والواد ميخو ده يعني في مصر تاعبني وفي السعودية تاعبني. ده انتي وحشاني مووت ووحشاني ضحكتك الحلوة ربنا يوفقك يارب
بس أنا اللي هاسبقك لربنا السنة دي
بحباااااااااك
أموووووووووووووه

Pink Dreams يقول...

جزاكى الله كل خير يا قمر

وان شاء الله هنعلن عن الفكره دى فى المدونات

ويلا يا ستى استمتعى بالمصيف وربنا يرجعك لينا بالسلامه يا رب

وكل سنه وانتى طيبه يا قمر

رحلتنا في الحياة يقول...

جزاكى الله خيرا على البوست ان شاء الله ربنا يقدرنى واعمل البوستات بتاع الاهداف فى رمضان
ترجعى بالسلامة ان شاء الله من السفر

ستيتة يقول...

كلام جميل كلام معقول مقدرش اقول حاجة عنه
تروحي وترجعي بالسلامة وربنا يبلغنا رمضان ولا يحرمنا الغفران

ابو صهيب ( الجمعاوي الاصيل)سابقاً يقول...

كل عام وانتم الى الله اقرب وعلى طاعته ادوم

ورمضان كريم

شوكولاتة يقول...

مسدس صغير
أشكرك جدا ياصلاح على كلامك وتقبل الله منا ومنكم يارب وغفر لنا جميعا
كل سنة وانت طيب
تحياتي

شوكولاتة يقول...

Pink Dreams
وأنتي طيبة ياقمر ويارب السنة الجاية تبقي في سعادة وهنا وحب وطاعة
وحشاني خالص ياشوشو والله
أمووووووووه
سلام

شوكولاتة يقول...

آيوشة الجميلة اللي دايما منوراني
جزانا الله وإياكم أحسن الجزاء وكل سنة وأنتي طيبة ياقمر بس أوعي تنسي البوست
رمضان كريم
أمووووووووه

شوكولاتة يقول...

ستيتة حسب الله الحمش
الله يسلمك يادكتورة بس والله هتوحشوني خالص وهتوحشني بوستاتك القيمة
كل سنة وحضرتك طيبة
تحياتي

شوكولاتة يقول...

أبوصهيب
شكرا جدا على تعليقك الجميل يا أستاذي أبو صهيب وإن شاء هاتكتب لنا بوست عن الموضوع
تحياتي

لبنــــــــــى يقول...

كل عام و انت بخير

و ينعاد عليك و على الاهل بالصحة و العافية يا قمر

و صيفي و ارجعيلنا و ما تطولي الغيبة

سلام

غير معرف يقول...

كل سنه وانت طيبه يا قمر

وربنا يجازيكي خير

المهم الفكره كويسه ...... بس اقترح اننا نكتب اهداف وطرق تنفيذها ونعاون بعضنا عليها ...... ده اول الشهر ..... لكن صعب نقول حققنا ايه

على العموم كل مصيف وانت طيبه ..... وترجعي بالسلامه

مي يقول...

كل سنة وانتى طيبة يا شيكولالاتى
وجزاكى الله كل خير وطبعا احنا معاكى ان شاء الله وربنا يتقبل منا
هتوحشينىىىىى اوىىىى
مش تاكلى شيكولاتة كتييييير
طب خلاص خلاص كلى واحدة بس
بحبك امووووه

صدفة جميلة يقول...

بصراحه انا سالت مين بيبيع شيكولاته فجبتنى رجلى هنا قولت اشوف فيه شيكولاته لقيت كلام باحساس من ماس خدنى ورمانى بين سطور مرسوم فيها اجمل كلام حسيت انى كلت اجمل نوع شيكولاته مرسى على الواجب ومتشكرين على الشيكولاته
سلام

غير معرف يقول...

كل سنة وانتى طيبة ياشيكولاته
اللهم بلغنا رمضان على خير
وارزقنا فيه صالح الاعمال
رايحة تصيفى يابختك
مش قر ولاحاجة
بس برضه يابختك
تحياتى

نوسه وريمان فى هاكونا مطاطا يقول...

انت لسه هنا؟


لا لا تعالى بسرعه عندنا


تيمون وبوبما عايزينك


كل ما تضحك اكتر كل تاكل بطاطا اكتر

هاكونا مطاطا

مش هتقدر تغمض عنيك

هاكونا مطاطا هديتنا لكل المدونين عشان نخرج من حاله النكد

هاكونا مطاطا تهييس للصبح

هاكونا مطاطا ... لااااا للملل


هاكونا مطاطا... قول لاء للهم

هاكونا مطاطا.... اوعى تزعل ابدااا

هاكونا مطاطا... ارمى الماضى ورا ضهرك


انسى الماضى اللى يغيظ


يلاااااااااا تعالى مستنى ايه

وياريت تضيف اللينك عندك
ومش هتندم ابدآ

مودتى

micheal يقول...

كل سنة وأنتي طيبة
رمضان كريم
أجازة سعيدة وفي إنتظار عودتك بالسلامة
تحياتي

noon kiko يقول...

بصى بقا انا لحد وقت قريب اوى ييجى من ربع ساعه كنت بموت ف الشيكولاته
بس طبعا انا بحاول ابطلهاده لانها يا اخوتشى مرتبطه بالمحاسيس بتاعتى
اكلها كده وتجينى حبة رومانسيه وعنيا تسرح كده واقول خير اللهم اجعله خير
بس متقلقيش دى حاجه عارضه بتزول بعد انتهاء الشكولاته وغسل ايدى
انا هحط اهداف كتير قدامى ف رمضان
امممممممممممممم
اولها انى هبطل شكولاته زيك كده
هههههههههههههه
غياره انا صح
المهم
ابقى تعالى زورينى
باى يا شكولاته

غير معرف يقول...

شوكولاته
انتى روحتى فين
معقولة كل ده فى المصيف
انا كنت فى مارينا من كام يوم وبصيت
قلت يمكن الاقيكى
بس بصراحة مكنش فيه حد الا انا وعمك ابومالك والولاد
اصل احنا مش بننزل غير الصبح
والناس التانية بتوع الديسكو نايمين
ياترى انتى بتصيفى فين
عموما وحشتينى
وكل سنة وانتى طيبة ياحبيبتى

Me7'o يقول...

بت يا شوكولاتة

إرجعى بقى حرام عليكى
دول لغوا كل الأفراح فى الإسكندرية
مش لاقيين شوكولاتة

حرام عليكى
يالا بقى تعالى
وحشتينى

بزنس تعيش يقول...

جزاكى الله خيرا


وكل سنة وانتى طيبة


-------------------------
مع تحياتى / حازم ربيع