الأربعاء، 6 يناير 2010

هيس هيس وربنا يسهلك وتبقى كويس

سلامووووووووووووووووو عليكوووووووووووووووووو وحشتوني وحشتوني وحشتوني ونفسي أرجع أزهقكم تاني زي زمان وشيطاني عمال يوزني من زمان أجي أطلع عنيكم ببوست مهيس كده مبعوتلي بالميل قلت لايونكن أبدا أقراه لوحدي فقلت أجي أنط عليكم
أكيد وحشتكوا صح
هاه
وحشتكوا مش كده
طيب لما انا وحشتكوا كده مفيش حد ييجي يسأل عليا بشوكولاتاية ولاحاجة
طيب هاعديهالكم علشان انا بحبكوا ودي سنة جديدة فل وأخر ألاجة عليكم إن شاء الله


يقال إن 87%من الشعب المصرى ساخطون على الحكومة المصرية - ما تعليقك؟

الـ13% الباقيين أكيد معاهم جنسيات أخرى.





هل لك أقارب استشهدوا فى الحرب؟

لأ.. عندى أقارب استشهدوا فى السلام.. "السلام 98" طبعاً.

ما وجه الشبه بين السد العالى وأمن الدولــة؟

الإثنان مصدر "للكهرباء"!!!



لماذا يطلق المصريون على زوجاتهم لقب "الحكومة"؟

لصعوبة تغييرها مهما تسببت فى كوارث.



أين يمكنك أن تلاحظ سوء نية المصريين؟

عندما يغنون للطفل البريء بمنتهى الخبث قائلين.. "يا رب يا ربنا - تكبر وتبقى زينا".



إمتى بتحس إن البلد حلوة؟

ما بأحسش إن بلدنا حلوة غير لما داليدا بتقول: "حلوة يا بلدى"... بغض النظر إنها قالتها وانتحرت!!!





تقرير: 60% من الرجال المصريين بـ"يشَخَّروا" وهم نائمون.. ما تعليقك؟

الـ40% الباقيين بـ"يشخُروا" وهما صاحيين.





ما الفرق الأهم بين مصر وأمريكا؟

الفرق الأهم إن عائد السياحة من الهرم المزيف الموجود فى لاس فيجاس مائة ضعف عائد السياحة من الهرم الحقيقى فى الجيزة.





ما أهم قاعدة موجودة في مصر؟

إن مفيش قاعدة لأى حاجة.





بماذا ستجيب كمصرى عند سؤالك عن عمرك فيما أفنيته بعد عمر طويل؟

بسمع تصريحات بطرس غالي وبدعي إن حكومة نظيف تتغير وواقف في طابور العيش





من المستفيد من الزحام الذى يسيطر على شوارع القاهرة؟

شركات المحمول... كله واقف فى الإشارة ماسك الموبايل بيخلص شغل أو بيعتذر عن التأخير أو بيسلى نفسه على الأقل، وبالتالى تعتبر الإدارة العامة للمرور المستفيد الثانى من مخالفات استخدام المحمول أثناء القيادة.




ما الفرق بين الزوجة المصرية والزوجة اللبنانية؟

40كيلو جرام.



إيه الكلمة اللى ما بتحبش تسمعها وأنت فى أوضة العمليات؟

مالوش نصيب

هناك 25 تعليقًا:

Bondoka يقول...

ههههههههههه
بوست لذيذ اوى
كنت فينك من زمان

ليس فقيرا من يحب يقول...

ههههههههههههههههههههههههههه

هيييييييييييييييييييييه شوكلاته ظهرت

من تانى يا جودعان

ليس فقيرا من يحب يقول...

عامله ايه يا روح قلبى يارب تكونى

بخييييييييييييير

طبعا طالع عنيكى فى الشغل

ربنا يوفقك ياااااااااااارب

ليس فقيرا من يحب يقول...

طبعا البوست زى العسل

وروعه ويجنن

وفيه كلمات فى الجون فعلا


ما الفرق بين الزوجة المصرية والزوجة اللبنانية؟

40كيلو جرام.


هههههههههههههههههههههههههه

تجنننننننننننننن

مش تغيبى كتير كده يابت

ستيته حسب الله الحمش يقول...

وحشتييييييييييني يا شيكولاتاية سويسري اصلي :)
ايوه كده ابقي طلي علينا
حتى لو ميل
ماشي
بس الطلة واجبة شرعا عند ابن حنسة :)
ميرسي ع الضحك الصباحي

أميرة الرومانسية يقول...

اول مرة ازور المدونة العسولة ديه
علي فكرة انا بعشق الشوكلاتة موووووووووووووووت
البوست تحفة بجد
وقرأته كمان لماما واخواتي
ضحكوا ضحك بجد

أميرة الرومانسية يقول...

هاه فين بقا الشوكولاتايه بتعاتي
مش هتنازل عنها ابدااااااااااااااا
ماليس دحوة
اهيء اهيء اهيء

mohamed ghalia يقول...

ههههههههههههههه
جميلة أوى طريقة غجابتك
ربنا يكرمك ويسعدك دايما

أبو العريف يقول...

هههههههههههههههههه

ايه كميه الاسئله دي

بوست جاااااااااامد

تسلم ايدك يا سيد المعلمين




تحياتي

لجين أبو الدهب يقول...

إمتى بتحس إن البلد حلوة؟

ما بأحسش إن بلدنا حلوة غير لما داليدا بتقول: "حلوة يا بلدى"... بغض النظر إنها قالتها وانتحرت!!!

جميلة اوى دى D:

الست قالتها وانتحرت
ما كدبتش خبر

عودا حميد

دمتِ بخير ..

TWEETY يقول...

ازيك ياابلة عاملة ايه
يارب تكونى كويسة
انا جييت ازورك بس طبعا انا مش قريت علشان انا مش فاهمة الكلام
وكمان همسات قالتلى لما ادخل ابقى اسلم على المدونة
مع السلامة
وابىق زورينى ماشى

micheal يقول...

هههههههههههههههه..ضحكت وهيست وأنا بقرأ
لأ بجد جامد أوي..عجبني أوي سوء النية ومصدر الكهرباء والشخير
:)
تحياتي

فتاه من الصعيد يقول...

ههههههههههههه

تسلم ايدك

عامله ايه ... شكلك مطحونه :)

تحياتي

طوبه فضه وطوبه دهب يقول...

وحشتينى ياشوكلاتايه ياجميله انتى ازيك وايه اخبارك بجد بجد وحشانى مووووووووووووووووووووت ياقمر

شوكولاتة يقول...

بندقة
كنت باكل شوكولاتة
نيهاهاااااااااااا

نورتيني ياقمر

شوكولاتة يقول...

روني اللي مش فقيرة
أنا هنا ياهانم انتي فاكراني هاسيبكم كده ببساطة ومين غيري يرخم عليكوا
ههههههههههههههههه

أنا الحمد لله كويسة جدا بس انتي عارفة اليومين دول بنجهز للامتحانات واخر قرف

وحشتيني ياقمر
أمووووووووووووه

شوكولاتة يقول...

موناستيتة
شوكولاتة سويسري ااااه متفكرنيش هموت عليها
انما ابن حنسة ايه رأيه في موضوع الشفافية
نيهاهاااااااا

منورة دايما

شوكولاتة يقول...

أميرة الرومانسية
ياقمراية انتي منورة المدونة ودايما تنوريني كده والحمد لله انك اتبسطتي انتي ومامتك واخواتك وربنا يخليهملك

اما بقى التعليق التاني ولا كأني شفته خاااااالص
ههههههههههههههههه

منورة ياباشا

شوكولاتة يقول...

محمد غالية
ده بس من ذوق حضرتك ويارب دايما تشرفنا كده

تحياتي

شوكولاتة يقول...

أبو العريف

شكرا على التحية الجامدة

تحياتي

شوكولاتة يقول...

لجين أبو الدهب
سمعت عنك كتير وحبيتك من غير ما أتكلم معاكي بجد كان نفسي اتعرف عليكي ومصدقتش نفسي لما قريت تعليقك

زيارتك أسعدتني جدا ويارب دايما متواصلين

تحياتي

شوكولاتة يقول...

تويتي الأمورة
إزيك ياتويتي ياقمر وحشتيني مووووووت وأخبار اختك ومامتك ايه يارب يكونوا كويسين

بس بكرة لما تكبري وتشتغلي هتعرفي ان احيانا الشغل بيشغلك عن حاجات كتير بتحبيها

وسلميلي على همسات كتير قوي واكيد هاجي ازورك كتييييييير

أمووووواااه

شوكولاتة يقول...

مايكل

أي خدمة تهييس صباحي أهوه

تحياتي

شوكولاتة يقول...

مروة الصعيدية

وحشتيني أوي ياميرو ونفسي أتكلم معاكي كتير
عندك حق مطحونة امتحانات وعيشة بقى

تحياتي

شوكولاتة يقول...

طوبة دهب
وانتي وحشتيني اكتر والله بس ربنا هو اللي عالم بحالي اليومين دول أول ما أخلص الامتحانات هازهقكم مني

منورة ياقمر