الأحد، 16 مايو، 2010

عندما يكون أصدق تعبير عنك هو ولا حاجة

احساس غريب عندي بقالي كام يوم وهو احساس الولا حاجة احساس غريب بس ممتع انا مش فرحانة بس الحمد لله مش زعلانة الحياة لاوية بوزها بس مش مشكلة المهم انها ماشية بتخبط يمين وشمال بس مااتعورتش بجد انا كده مرتااااااااااااااااااااحة كده ومش عاوزة حاجة غير كده يكونش الاحساس ده هو راحة البال اللي بسمع عنها دي. ألا هو يعني ايه راحة بال ؟؟؟ يعني تبقى عارف ان عندك مشاكل كتير بس مش قاعد بتندب حظك وبتحاول تدور على حل يعني تبقى مصدع بقالك اسبوع ومش عارف سبب بس في نفس الوقت مش مضايق انك مصدع يعني يكون عندك شغل متلتل وبالرغم من كده شايف الدنيا بمبى وبصباع كمان ....
طيب ايه سبب حالة الولا حاجة دي في دكاترة علم نفس بيقولوا ان تغيير الفصول بيبقى ليه تأثير على الحالة المزاجية ولا جايز تكون حالة فراغ وعدم تهديد اي هوية او جايز يكون حالة مرضية من حب الظهور على الساحة واهو بكتب بوستات وخلاص ولا جايز يكون نقص شوكولاتة في الدم ..... بجد مش عارفة ليه بس كل اللي اعرفه ان كنت بقلب في النت كده ودخلت على المدونة حسيت اني بكلم واحدة حبيبتي وروح قلبي فقلت ارغي معاها شوية
يمكن السبب يكون اني النهاردة وقفت قدام المراية حوالي نص ساعة وانا في الطبيعي مابخدش دقيقتين قعدت ابص لنفسي كده واقول يااااااااااااه دي الدنيا دوارة ايه علاقة الكلمة دي بالمود ده معرفش الغريبة اني كنت عمالة ادندن واقول بنحب ياناس نكدب لو قولنا مبنحبش بالرغم من اني سمعت الاغنية دي مرة واحدة يكونش ده حب واكون داخلة على قصة حب ملتهبة بيني وبين مخدة السرير علشان كنت صاحية متأخرة ومهيسة على الاخر
طيب امشي بقى علشان انا كده بقيت زنانة قوي
اه عاوزة اقولكم على كام حاجة كده
انا بحبكوا قوي
وبحب ربنا قوي
وبحب الناس كلها
ومش زعلانة من ولا حد منكم
واخيرا معرفش انا ليه كتبت البوست ده
ياللا بقى بلا باااااااااااااااي

هناك 13 تعليقًا:

احاسيس آيوشه يقول...

السلام عليكم ازيك ياشوكولاتة اخبارك ايه يارب تكونى بخير دايما
بصى الحالة دى بتجيلى كتير بس اهى احسن من حالات تانية كتييييير
ربنا يريح بالك دايما يارب
صحيح اكتشفوا ان اللى بياكلوا شوكولاتة كتير اكتر عرضة للاكتئاب هههههههه
بس انا مش هبطل شوكولاتة بردو :)

مي يقول...

لا الحلة دى حب ويمكن هيام ياقطتى وانتى اكيد على مشارف حاجة بس ركزى وفكرى
حالة جميلة عيشيها بلاش تستغربى منها بالعكس ليه احنا لما بنفرح بنقول كلمة ليييييييييييييه نفرح
المفروض نفرح بالاحساس وبلاش اسئلة
خسارة تضيعى اللحظة الحلوة
على فكرة وحشتينى اوووووووى اوىىىىىىىىىىىى
متغبيش تانى يا شيكولاتى ارجوكى لو فعلا بتحبينا
مووووووووووووواه

نـــوارة يقول...

ازيك ياقمراية هو انتي لسه زي ماسبتك باالضبط عمالة ترغي

ماتبطلي رغي شوية يابت

يابختك بتعرفي ترغي بتلقائية انا معرفشي للاسف :]

بس عنجد البوست يضحك هههههههه فهمت الي بالاول لكن بداتي تهيسي بالاخر وايه بنحب ياناس نكدب لو قلنا مبنحبش

تحبي من ورانا يابت :]

عالعموم هي حالة كويسة احسن من حالة الاكتئاب والحزن ومعرفشي ايه

ربنا يسعدك ويفرح قلبك يا احلى شيكولاتية عاوزة تتاكل اكل

امووووووووووواه

شوكولاتة يقول...

ايوشة اللي كلها احاسيس

انا الحمد لله كويسة جدااااااااااااااا

عندك حق على الأقل مش زعلانة ومش تعبانة ومش مضايقة من حد خالص يعني مرتاحة واخر حلاوة

يابنتي احنا بقينا مدمنين وخلاااااااااااص مستقبلنا ضاع بسبب الشوكولاتة
هههههههههههه


وحشتيني اووييي
أمووووووووووووووووه

شوكولاتة يقول...

ميوية روح قلبي

لالالا نيفر امبوسيبل نو واي حب حاجة غريبة دي اكيد غرامي هيقع في حتة شوكولاتة حاجة كده زي اعلان اكس بالظبط هههههههههههههههه

بس هسمع كلامك وهعيش اللحظة الحلوة ومش هستغربها خاااالص

وحاضر يا قمري مش هغيب مكنتش اعرف ان فيه ناس حلوة كده بتحبني قوي كده

مووووووواااااه

شوكولاتة يقول...

نوارة البلوجر كله

بصي يابنتي انا هقولك حكمة حطيها في ودانك انا دمي ده بيجري فيه كور دم حمرا وكور دم بيضا ورغي وشوكولاتة
هههههههههههه

انا عمري ماهبطل رغي لو انا بطلت مين يعني يروقكم كده

وبعدين ياستي البوست ده زي ماقلت كده بالظبط كنت بقب في النت ولقيت المدونة فلقيت نفسي عمالة ارغي واتكلم وكتبت الكلام ده والحلو بقى انا مقريتهوش ولا مرة هههههههه


وبعدين ياستي الاغنية دي هي اغنية لولا الملامة بتاعة وردة الجزائرية هتلاقيني حطاها على البلوج اسمعيها براحتك

مووووووووووووواه

رنونة حكومة ميخو يقول...

اهو انا عندي الحالة ديه دلوقتى
احساس بالتناحة عاوزة اتنح ومليش مزاج اعمل اى حاجة غير التناحة والتفاهة

Me7'o يقول...

(((فراغ)))

باحث عن حب يقول...

عادى خالص
الحاله دى مفيهاش
مشكله
غير
اكله
متينه
وتنامى
تصحى
بطنك
توجعك
وبكده
تنشغلى بحاجه
مدونه
جميله

كيكى عوووووو يقول...

انا عارفة!!!
لان الحاله المستعصية دى عندى
ربنا يسعد اوقاتك

فتاه من الصعيد يقول...

هههههههههه

يا رب دايما

ده اسمه مصالحه مع النفس يا جميل

تحياتي

ليس فقيرا من يحب يقول...

ههههههههههههههههههههههههههههه

حبيبتى ازيك وازى اخبارك

يارب تكونى بخير

بس كده يبقى عقلك مش مرتاح يا قطتى

مش عارفه اعلق بجد لان انا شخصيا مش حاسه بحاله الراحه دى

ربنا يسعد ايامك ولياليك يا جميل

ويفرحنا بيك بقىىىىىىىىىىىىىى

بحبببببببببببببببببببك

موووووووووووووووووووووووووووووووواه

resalatye يقول...

الحاله دى بتحصل لاى حد حتى انا شخصيا
بحسن انى فرحانه ومش فرحانه يلا اهى ايام وبتعدى اهم حاجه نعيش حياتنا بحلوها ومرها