الاثنين، 26 يوليو 2010

يا مدونين مصر والعالم العربي ... محتاجينكم




أعزائي المدونين والمدونات وحشتوني اووووي وليكو حق بصراحة تحدفوني بأي حاجة تيجي في ايديكو بس لأني عارفة كرم اخلاقكم فياريت تحدفوني بجالاكسي ولو فيه مالتيسيرز نبقى شاكرين جمايلكم




الموضوع اللي هتكلم فيه النهاردة جايز اكون اتكلمت مع ناس منكم فيه لأن الموضوع ميخصنيش أنا بس لأ ده يخصكم كلكم ويخص كل واحد حواليكم. أكيد كلكم ملاحظين الفترة الأخيرة دي ان بقى فيه مشاكل كتير اوي بتقابل أي شاب وعاوز يرتبط بالبنت اللي يتمناها وجوازات كتير كانت بتبوظ بسبب مشاكل مادية تافهة جدا يعني لما واحدة جوازتها تتفشكل قبل الفرح بيومين علشان ألف جنيه يبقى جنان



المهم علشان مش ارغي كتير واوجع دماغكم ندخل في الموضوع القصة ومافيها ان فيه مجموعة شباب من كل الجمهورية الحمد لله ان انا كنت واحدة منهم طلعوا بفكرة جهنمية هتساعد كل واحد فينا أطلقوا حملة وسموها "جوزونا" الحملة دي ببساطة فكرتها بتقوم على مبدأ تيسير الزواج يعني نحاول نبعد عن أي حاجة ممكن تسبب العنوسة تخلي بنت تقعد لحد بعد سن التلاتين والأربعين والشاب يقعد يشتغل ليل ونهار ويكون نفسه لما يبقى عنده اربعين سنة والبنت لما تقل فرصها في الجواز وتقعد سنين وسنين بتعاني من الوحدة او من الفراغ العاطفي اللي ممكن يخليها تقع في أخطاء كتيرة اوي ناهيك طبعا عن كم أطفال الشوارع اللي انتشروا بطريقة كبيرة اوي في السنين الاخيرة ومعظمهم أطفال غير شرعيين بس هما ايه ذنبهم عن غلطة غيرهم وانا لما بقول غيرهم اكيد اقصد الام والاب والمجتمع كله اللي بالشروط المجحفة دي صعب عليهم الزواج فبتبقى دي نتيجة طبيعية للمشاكل اللي عندهم



نرجع تاني للحمله وزي ما قلت ان الحملة بتقوم على تغيير ثقافة المجتمع يعني بدل ما نفكر بأن كل ما البنت اتدفع فيها هتعيش معززة مكرمة نفكر ان اقلهن مهورا اكثرهن بركة الحملة لا تهدف مطلقا لتوفيق راسين في الحلال او توفير حاجات مادية للمحتاجين يتجوزوا لأن لو وفرنا الحاجات دي هيبقى تأثيرها ضعيف اوي لكن لما نغير ثقافة الناس ونخليهم يفكروا بطريقة عملية اكتر يبقى احنا كده بنساعد كل فرد في المجتمع مش شريحة معينة منه وبس



الحملة بتخاطب في مضمونها جميع فئات المجتمع من خلال مجموعات من الشباب والبنات على الفيس بوك من خلال خطباء المساجد والندوات اللي سيتم عقدها لمخاطبة جميع شرائح المجتمع برعاية جمعية حياة في بني سويف



انا بكتب الموضوع لان الحملة دي محتاجة مساعدة كل واحد مننا ولايماني الشديد بدور المدونين في نجاح الحملة دي انا بكتب البوست ومنتظرة من كل واحد منكم انه يقولي رأيه في تعليق وبلاش يبخل علينا بتعليق او بمشاركة او اقتراح او رأي بس ياريت قبل أي مشاركة ندخل نشوف اللينكات دي



ده لينك الجمعية الراعية للحملة:








وده لينك الحملة على الفيس بوك:






ولو فيه أي حد عنده اي استفسار أو سؤال ياريت يبعتلي في التعليقات وانا اكيد هساعده وهعرفه ازاي ممكن ينضم للحملة او يساعدنا وياريت لو حد اشترك في الجروب يعرفني برضو





بليز يا جماعة متبخلوش عليا بتعليقاتك بجد نفسي اعرف رأيكم واقتراحاتكم في الموضوع اوي



اعذروني اني مقدرتش احط اللوجو بتاع الحملة لأن انا والبلوجر متخاصمين وكده اللوجو بتاع الحمله هتلاقوه عندي في المدونة علي الشمال فوق في السايد بار





وكل سنة وانتو طيبين يا مدونين رمضااااااااااان كريم







هناك 34 تعليقًا:

شوكولاتة يقول...

شكرا لكل اللي هيساعدنا في المشروع ده وهيشاركنا بالرأي او النقد

Unknown يقول...

الله اكرم

sony2000 يقول...

بالتوفيق يارب:)

غير معرف يقول...

:)

برضو جوزونا :)... مفيش اخلعونا

حاضر هشارك... يا مسهل

واول طلب ان يلغوا الشبكه والفرح .... ويخلوا الفرح ع السطوح زي زمان

بجد موش هزار :)

وحشاني يا جميل... هاجي بني سويس قريب.... اقيمي الافراح بقا... ونتقابل هناك :)


تحياتي

موناليزا يقول...

يعنى المطلوب ايه
غير الاشتراك فى الجروب
ايه الحاجة الفعلية اللى ممكن نعملها فى الواقع

لــــ زهــــــراء ــــولا يقول...

جميلة الحفلة والخطوبة والشبكة يبقوا دبلتين
والفستان يتأجر ايسر

والفرح بسيط ورقيق

ومافيش ليلة للخطوبة
وليلة للشبكة
وليلة لكتب الكتاب
وليلة للزفاف بلاش مصاريف كتير كدة

لـــولا

مي يقول...

كل سنة وانتى طيبة ياشيكولاتى يا قمر
الفكرة حلوة جدااااااااااا
وطبعا معاكى
بس على فكرة انا بقيت بشوف اهالى كتير دلوقتى بتتغاضى عن حاجات كتير بجد يعنى مبقاش فى تشدد زى الاول لان الاب بيبقى عنده ولد برضه وبيبقى عارف لشباب مطحونة ازاى وقعدة بنته مش بتسعده بالعكس اى اهالى بتبقى عايزة تفرح
بس برضه فى ناس شديدة فى طلباتها ودول بحس فيهم بنبرة الاتراك:))

بصى طبعا لازم الاهل تبقى فاهمة ان ممكن العريس معاه فلوس وهيشيل بس ده مش ضمان لسعادة بنتهم
وكمان كل ما الحكاية كانت تفاصيلها رقيقة وغير مكلفة هما هيفرحوا اكتر وهيخلصوا اللى ناقصهم ولسة العمر ادامهم يبعنى يبدؤا واحدة واحدة وربنا يوفق الجميع

Noora يقول...

السلام عليكم ورحمة الله وبركاتة
انا اخذت حبة شوكولاته وراجعه تاني

طوبه فضه وطوبه دهب يقول...

بجد فكره اكثر من رائعه بس ليا راى حمله جوزونا الاسم مش مدى الهدف انا فهمت انكم هتوفقوا راسين فى الحلال او ذى ما قلتى مساعده للمقبلين على الزواج ليه ما تسموش الحمله لا للمغالاه فى الزواج كدا حتى ليها معنى واضح اوى ايه رئيك

MOHAMMED ELBANNA يقول...

فكرة جميله وربنا يجازيكم خير
ونحن معكم قلباً وقالباً
تقبلي تحياتي
محمد البنا

رحلتنا في الحياة يقول...

كل سنة وانتى طيبة ياجميل
الفكرة حلوة جدا ربنا يكرمك يارب ويجعله فى ميزان حسناتكم باذن الله
وباذن الله هحاول اشارك ان شاء الله
وبالنسبة لقتراحى انكم لازم تركزوا على البنات بجد مطالبهم كتير جدا وبتعجز الشباب
يعنى ايه لزوم مصاريف شبكة وفرح والفيديو والصور والبوفيه والشكليات اللى ملهاش اى لزوم دى

غير معرف يقول...

اززززززيك ياقمر

كل سنة وانتي طيبة :)

وبجد فكرة تحفففففة لازم الاهالي تهتم بمصلحة ابنائها قبل كل شي يعني كل شاب وقدرته وربنا يعينهم على المصاريف

عندنا والحمد لله بالرغم من انه كل حااااااااااجة عالعريس والعروسة بتتجوز بمجهودها وبس ههههه

الا انه في تسهيلات كتيرة من اهل البنت ومش بيطلبوا حاجات كتيرة ولا بيتشرطوا يعني كل عريس وعلى اد طاقته

فلازم بجد تلاقوا حل للصعوبات الكتيرة الي بتواجه الشباب بمصر

ربنا معاكم ولو قدرت اساعدكم مش هبخل عنكم

بالتوفيق يارب

ليس فقيرا من يحب يقول...

شوكلاااتى حبيبتى

ازيك ياعم وحشانى يابت

فين العريس انا جايه علشان انتو قلتو هتجوزونا هه يلابسرعه خلصى

هههههه طب بجد مهو احنا عارفين وجهه النظر دى وتقريبا الناس النتيته بتبقى متفتحه نوعا ما وعارفه
المجتمع ياختى وحياتك مهو تايه عن حاجه
بس لما يجى وقت الجد المفاهيم بتتغير خاااااالث ودى عايزة زى اختها وبنت عمها وبنت طنط فلانه

كده هنحتاج حمله على التلافزيون والدش وخصوصا على ميلودى وياسلام بقى لو الصاروخ يجى ويقول كده للناس هتنشكح اوى واحتمال تتنيل على عين اللى خلفوها تكتنع
فاهمنى يا وديييييييع
مسااااااااااءك سكر بالقشطه والعسل
اممممممممممووووووووووووووووواه

محمد التركى يقول...

السلام عليكم
كلام جميل جدا والله وموضوع فعلا محتاجين ندعمه

بس يعمل أيه المشت فى رأس الاقرع
فى ناس ياستى دماغهم ستوميت الف جاذمه
اشى مهر كام
واشى شابكه بكام
ولا القايمه بقى ماقولكيش
ولا فى الاحلام وملهاش علاقه بالواقع خالص
والمؤخر بقى حاجه جنان

والله أنا بضم صوتى معاكم وهشارك فى الحمله ديه
والاجر والثواب عند الله


أنا أول مره أزور مدونتك الجميله ده كفايه اسمها عسل
وليا الشرف طبعا انى امر من هنا

تقبلى مرورى الاول وليس الاخير

ودى وحبى وتقديرى
محمد التركى

amr imam يقول...

شوكولاتة ازيك عاملة اية

انا بعتذر مش جاى اعلق انا جاى عشان نزلت بوست وفية سؤال ومحتاج مشاركتكم فى انتظار تشريفك ورائيك


تحياتى

babosha يقول...

كل سنة وانتى طيبة يا شيكو وفعلا الموضوع ده احيانا بيسبب ماساة لشباب وبنات كتير انا حاشترك بس عاوزة اعرف نعمل ايه تانى غير الاشتراك

شفـقــة و إحســــان يقول...

ربنا يكرمك فكرة الحملة هايلة جدا

ديالا يقول...

بصي بقي انتي وحشاااااااااااااااااااااااني اوي ياشكولاته ياشقيه

نفسي تكوني فكراني

انا مدونتي ضاع رقم الباس ورد بتاعها بس عملت واحده بنفس الاسم هيا صحيح عايزه تظبط شويه

وحشتيني اوي

TWEETY يقول...

ازيك ياطانت
انا جيت ازورك ومبسوطة انى هنا
هو انا مفهمتش الكلام
هستناكى تزورينى اتفقنا
مع السلامة

همسات وبحــ الحياه ــر يقول...

كل سنة وانت طيبة ياقطتى

غير معرف يقول...

انا جيييييييت
بصى بقى انتى تشوفيلك حل
غيرى شكل القالب واسم المدونة واعملى اى حاجة عشان انا بادخل هنا عشان اجوع وانا محرومة من الشكلاتية اصلا وبحقد على كل اللى بياكلوها ده اولا
اما ثانيا فالفكرة تجنن وعجبتنى جداااااااااااااااااا
واشتركت فى الجروب اللى على الفيس
وعايزة اعرف منكن نعمل ايه
انا ممكن اوفر زفات محترمة للعروسين
حمارين على حصانين على بطتين ووزتين تبقى الامور اخر السطة
:)))))

اى خودعة يعنى

اكيد كده عرفتنيى مش لازمن اكتب الاسم صح

اقصوصه يقول...

رمضان كريم

مبارك عليكم الشهر

وكل عام وانتم بخير

saharelgafary@yahoo.com يقول...

بسم الله والصلاة علي رسول الله
الفكره رائعه ..من كام سنه خطر في بالي حاجه شبهها ..
وهو إن كل بلد أو قريه تعمل زي جمعيه كبيره بمبلغ زهيد والعددج يكون كبير جدا وده لمده طويله من الزمن تطول أو تقصر علي أساس سحب كل أب لأبنه أو بنته كام عشان يجوزه..
وده من خلال جمعيه زي جمعيتكم..
يعني الأب يبدأ وأبنه في أبتدائي أو أعدادي ..لحد ما يبقي عريس..ياخد المبلغ يجوزه ويفضل يسد اللي فاضل عليه
يعني شبه شركات التأمين ..
بس دي عايزه ناس عندها ضمير ومجهود وربنا يعف أولاد المسلمين في حلاله..

كل سنه وأنتي طيبه وعيد سعيد.

غير معرف يقول...

كل سنه وانتي طيبه يا جميله يا أحلى شيكو في البلوجر كله :)

عيد سعيد عليكي وعلى كل الاسره :)

وحشاني مووووووت

سلام بقا :)

همسات وبحــ الحياه ــر يقول...

ايه الغيبة دى :)

غير معرف يقول...

مصر فى مهب الريح

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة – The Culture of Defeat – بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 – العدالة الاجتماعية .. وأطفال الشوارع والذين يملكون كل شىء .
5 – ضرورة الاتحاد مع السودان لتوفير الغذاء وحماية الأمن القومى المصرى.
6 – رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

لمزيد من التفاصيل أذهب إلى مقالات ثقافة الهزيمة بالرابط التالى www.ouregypt.us

غير معرف يقول...

مصر فى مهب الريح

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 – العدالة الاجتماعية .. وأطفال الشوارع والذين يملكون كل شىء .
5 – ضرورة الاتحاد مع السودان لتوفير الغذاء وحماية الأمن القومى المصرى.
6 – رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

لمزيد من التفاصيل أذهب إلى مقالات ثقافة الهزيمة بالرابط التالى
www.ouregypt.us

romansy يقول...

بهديكم بوكيه من الورورد على أنغام أحلى عود ودايما العيد عليكم يعود كل سنة وانتم دايما بخير

عيد سعيد على كل الناس الطيبين

غير معرف يقول...

وقدم جميلة هذا أن هناك الكثير من هناك فقط في انتظار للحصول على حق.

غير معرف يقول...

أشكركم على نشر هذا ، كان من المفيد جدا ، وقال الكثير

اذكار يقول...

حملة مد رجليك على قد جيبك

شخص غني يملك و يستطيع يقيم فرح و ولائم و افراح لمدة شهر , شأنه

فقير ولا يملك يقدم لو خاتم من حديد

هذه هي الخلاصه و مايجب عمله لحلها فعلا تغيير ثقافة الناس

حملتكم رائعه الله يوفق جهودكم

غير معرف يقول...

والديناميت في اليوم يا صديقي!

غير معرف يقول...

وقدم جميلة هذا أن هناك الكثير من هناك فقط في انتظار للحصول على حق.

غير معرف يقول...

ثقافة الهزيمة .. العتبة الخضراء‏

و تقول الحكومة المصرية التعيسة أنها تسعى لبناء أربع محطات نووية بحلول عام 2025، على أن يبدأ تشغيل أولاها في 2019 ، وأن يضيف البرنامج النووي الجديد ما يصل إلى 4000 ميجاوات !!! علما بأن تكاليف بناء 4 مفاعلات نووية حوالى 20 مليار دولار.

و نشرت جريدة المصرى اليوم فى 20 سبتمبر 2010 تصريح د.حسن يونس وزير الكهرباء و الطاقة جاء فيه سيتم إيفاد 67 مهندساً مصريا إلى كل من الولايات المتحدة، وروسيا، وفرنسا، وكوريا الجنوبية، للتدريب على التكنولوجيا النووية. وبالفعل هذا مفيد لأرسال الأصدقاء و المعارف فى رحلة مدفوعة الأجر على حساب الشعب المصرى الفقير.

..تكلفة مفاعل نووى جديد يبلغ 5.52 مليار إيرو ، و 300 من مراوح توليد طاقة الرياح تنتج ما يعادل مفاعل نووى و تتكلف 900 مليون إيرو فقط!!!

باقى المقال ضمن مقالات ثقافة الهزيمة بالرابط التالى www.ouregypt.us