السبت، 24 سبتمبر 2011

لعنة السعادة

تذكر أن السعادة ليست حظًّا , ولا بخناً , وإنما هى قدرة .. أبواب السعادة لا تفتح إلا من الداخل .. من داخل نفسك .. السعاده تجيئك من الطريقة التى تنظر بها إلى الدنيا , ومن الطريقة التى تسلك بها سبيلك
د / مصطفى محمود

أول مرة النهاردة أقرا الجملة دي بس حسيتها معبرة وحلوة اوي وواقعية جدا. من زمان بتعامل مع السعادة بالرغم من جمالها وانها أروع احساس بالكون على انها شيء ملعون لا يسكن قلبك ولا وجدانك ولا عقلك ولكنه يتمللك تشعر به احيانا وتتوق اليه احيانا اخرى تبحث عنه طويلا وتتعب من طول البحث تفقد الأمل وتكتشف انك تمتلك جزءا من السعادة لا يمتلكه غيرك.

مفهوم مطاطي مفيش حد أبدا اتفق عليه ولا انت نفسك ممكن تكون سعادتك في الفلوس في وقت ما لكن بتيجي لوقت معين بتحس ان سعادتك مش في الفلوس او السلطة. في فترة المراهقة كان كل حلمي عن السعادة اني لما اكبر مش هلاقي حد بيحد من حريتي وهقدر اعمل اللي انا عاوزاه لكن لما كبرت ووصلت للحرية دي حسيت نفسي وحيدة ومحتاجة قيود لحريتي.

ربنا خلقنا كلنا متساويين وانت ممكن تخلي حياتك جنة بايدك وممكن تخليها جحيم مستقر ومعظم الناس يظلون في بحث شاق ودائم عن السعادة وهو في الحقيقة بحث عن الألم والحزن.

من يومين اكتشفت ان قمة السعادة انك تكون مشغول جدا بحياتك وأعمالك والناس اللي حواليك لدرجة ان متلاقيش الفراغ اللي ممكن تحس فيه بالتعاسة.

كل مرة بشوف فيها فيلم "The Pursuit of Happyness" طول الفيلم البطل بيدور على السعادة اللي كانت بالنسبة له متمثلة في نجاح الحلم الامريكي ولما شاف ان سعادته في الفلوس خسر كل فلوسه ولما حس ان سعادته في الوظيفة اللي بيتمناها اكتشف انها مش بالروعة اللي هو كان متخيلها وفي الاخر بس اكتشف ان سعادته في وجوده جنب ابنه وانه يلاقي قوت يومه بس.

سعادة الانسان في هده الحياة ليست في انعدام اهوائه بل السيطرة عليها


هناك 4 تعليقات:

غير معرف يقول...

افتكر اني كتبت تدوينه زمان عن مفهوم السعاده :)

السعاده تختلف من حد للتاني .... بس اعتقد ان الرضا بالشيء هو اهم سبب في السعاده

نهارك سعيد

نيللي علي يقول...

بجد مدونتك بدخلها بحس انى عاوز انزل اشترى شيكولاته بس لاسف الفجر قرب يأذن ومش هينفع انزل بئى ..
أنا سعادتى فى انى اكل شيكولاته او اشب فنجان قهوه وقت العصار او كوبيه شاى بالفراول

sony2000 يقول...

السعاده فعلا جوانا

كتير بقوم من النوم لوحدي مبسوطه واليوم بيكون حلو

من نفسي كدا

وشوكلا وتمام التمام

طب دا بيكون ايه

Tamer Nabil Moussa يقول...

كلامك منطقى واتفق معاكى

مع خالص تحياتى