الاثنين، 9 نوفمبر 2009

أنا عندي شعرة ساعة تروح ويوم تيجي .. راحت





حبايبي سكان دولة بلوجرستان التهيسية التخريفية الهزلية المنخوليا المتحدة وحشتوني قوي قوي قوي بقيتوا بتوحشوني أكتر من الشوكولاتة أصلي اكتشفت إنكم ألذ من الشوكولاتة ياللا بقى بمناسبة البق الحلو ده كل واحد يقب بالشوكولاتاية أحسن أثبتكم هنا وأدفعكم رهن وأنتو داخلين
نيهااااااهاااااا

أنا قلت أجي أروقكم شوية وأكتب بوستي التهييسي الأول بناءا على حالتي دلوقتي وأرجع أشتغل لحسن أنا قربت أكلم نفسي من كتر الشغل ووجع الدماغ وما أدراكم ما التعامل مع طلبة الجامعات الخاصة يعني الواحد فيهم يبقى عيل وبر... ولا بلاش ويحسسك إنه اشتراك بفلوس أبوه وهما أصلا عيال ولاد تيييييييت ياللا ماعلينا لولا فلوسهم برضو كان زماني بلعب مع ابن أختي

نيجي بقى للموضوع أولا أنا هكمل موضوع الأنماط التمثيلية علشان خاطر عيونكم بس لما أميرة هانم صاحبة السمو الكوكوي تقولي تاج يبقى لازمن وحتمن ولابد أقبل منها التاج ده شكلها هاتدبسني في كوكوها المهجور ده وشكلها لسه عليها أقساط ماشي ياست أميرة هو أنا عندي كام أميرة حلوة وأمورة كده

نيجي بقا للتاج

اسمك؟

شوكولاتة بنت أم شوكولاتة وميخو سنيور

سنك؟

من غير فشر كده 15 سنة وماشية في الاتنين وعشرين عادي يعني بتحصل

اسم مدونتك؟

أحلى حاجة في الدنيا طبعا إنتو عارفينها الشكاليطة

مجال دراستك؟

أحب أهديكم أغنية الدنيا علمتني مرمطتني غلبتني فرمتني

هل فكرت في إغلاق مدونتك ؟ ولماذا؟

بالفوم المليان كده آآآآآآآآآآآآآآآآآآه ليه بقى إن شا الله تعدموني لو كنت أعرف أهيه وزة شيطان وإنتو عارفين بقى شيطان وقال للعبد آه

ايه رد فعله لو حد قل أدبه عليكي في المدونة؟

نعم يابيضة مين ده اللي يقدر يقل أدبه عليا ده
لأ بجد ولاهعبره لأنه مايستاهلش أصلا عادي يعني أهو صرصار وبيعبر عن إحساسه برضو ما كلنا مخاليق ربنا

أسوأ مدونة دخلتها؟

مدونة لواحد كده عاملي فيها أنور وجدي صاحب شعلة التنوير وهو أصلا مش واخد باله إنه محتاج يتعالج لامؤاخذة كده عبيييييييييييييييييييييييييييط

هيحصل إيه لإيميلك بعد ماتموت؟

أخص ماتفولهاش في وشي كده أنا كابسة على مراوحكم إشمعنى أنا ويوم ما أطق وأموت هاتلاقوا عفريتي شغالكم في الأزرق ده أنا مربياه على إيدي أحسن تربية

إديتي الباسورد بتاعك لحد قبل كده؟

نيفر

السفر بالنسبة لك إيه؟

روقااااااان وأنتخة وشوكولاتة

المود بتاعك إيه؟

متهيألي باين قوي من البوست
طار في الهوا شاشي وإنت متدراشي


بتعمل إيه في وقت فراغك؟

باكل شوكولاتة وأنا بتفرج على التلفزيون وانا مأنتخة على السرير


الأكلات المفضلة؟


السيمون فيميه والكافيار من عند زيزو بتاع الطعمية بيعملهم حلو قوي
وأهوه حاجة تسد الجوع وخلاص


الصفات التي أخدتها عن والدك؟

حب الشغل وإني أديله أكتر ما بيديني وما انتظرش منه كتير
الضحك والفرفشة
العصبية

الصفات التي اخدتها عن والدتك؟


أنا شبهها قوي
حب النجاح
الإعتماد على النفس
الجدعنة
الشوكولاتة

أكتر 6 حاجات بتحبهم؟

الشوكولاتة
الشغل
النوم
ماما وبابا وأخواتي
الكومبيوتر
والناس النقية


أكتر 6 حاجات بتكرههم؟

اللف والدوران
الغباء
تصريحات الحكومة
إسرائيل
الهمجية في التصرفات
الظلم

شخصيتك نوعها إيه؟


شبه كل الناس بس مش زي أي حد


لماذا دخلت عالم التدوين من الأساس؟

بالشلوت كنت قاعدة بشيت مع ميخو أخويا وقالي أعملك مدونة قلتله هي دي إيه علاقتها بالناسا

أهمية التعليقات بالنسبة لك؟

عزوة ... بحس إني برضي أكبر عدد من القراء



أحلى بوست كتبته مع ذكر السبب؟


اللي مايتسمى وده بوست لسه ماكتبتهوش وماينفعش اجاوب على السؤال ده غير لما أبطل كتابة وأموت هابقى أحكم
مش قلتلكم عفريتي هيكمل بعدي
نيهااااااااااهاااااااااااااا


أفضل مدونة قريتها؟


شوكولاتة :)
بس مقدرش أقول كل مدونة وفيها حاجة بتشدني وحاجة مابتعجبنيش

أهمية الإنترنت بالنسبة لك؟

من أسبوع كان مالهوش لازمة بس بعد شغلي الجديد لو قطعوا النت عني ساعة أموت مشلولة

إهداء التاج؟

ميخو حليب هارتي وينزل لرنونة بوست هي كمان ترد فيه
دكتورتي ستوتة
أم مالك وشوكولاتة
دكتورة مروة الصعيدية روح قلبي
توتا همسات على ضوء القمر
شوشو البينكي بتاعت الأحلام الوردي
شيمو الشعب حبيبي وشرياني
دموع القمر اللي شبه القمر
ليدي النونو
أم سومة اليابانية سومو سومو
المنصورية الرايقة اللي مش مطحونة
آيوشة المنوشة

استنوا كده أريح شوية أصل حبايبي كتير

نوارة اللي منورانا دايما
مي السمكة الإسكندرانية
روني اللي بتحب ومش فقيرة ولاحاجة دي عملاهم بواكي خضرا
موناليزا المشتاقة للجنة
بسومة أنور الضغنونة
سومة هانم اللي قافلة الكافيه بتاعها ومش بتشربنا كازوزة خلاص
طوبة دهب وطوبة فضة

وكووووووووووووول الناس اللي بحبهم ويحبوني

كانت معكم ست الداكطورة شكاليطة من تحت أكوام الورق والسيديهات والكتب بصالون مشمش الثكافي وأنا بسمع أغنية الشيشة
ياني ياني ياني مش هعمل كده تاني
آه آه هروح أدور هروح أدور على نفسي

سلاموز بقى

هناك 70 تعليقًا:

صمت المشاعر يقول...

نحجز اوووووووووووووووووول تعليق


للللللللللللللللوي اول مره اكون او تعليق يامانت كريم ياااارب

صمت المشاعر يقول...

لا وكمان تاني تعليق ايه الهنا اللي انا فيه دا

صمت المشاعر يقول...

انا اول مره الصراحه ادخل مدونتك بس
بجد مدونه دمها خفيف جداااااا
وانا بموت في الشكاليطه زيك تماااااام
بس ازاي 15 وماشيه في 22 عادي عادي علي فكره انا اعرف واحده عندها 11 وماشيه في 40 يعني الفرق مش كتير ههههههههه

ان شاء الله ازورك تاني

Me7'o يقول...

ههههههههههههه

عسل يا مضروبة

ضحكت حتى أستلقيت على قفايا

سلام بقى يا شكاليطة

Me7'o يقول...

هههههههههههههه

Me7'o يقول...

معلش يا أختى

أصلى مش قادر أمسك نفسى من الضحك

أول مرة أشوفك بالحالة دى

ربنا يستر

وأسمع صوت أبويا وأمى بكرة وما تكونيش أكلتيهم هما كمان

سلام

أميرة علي كوكب مهجور يقول...

ازيك يا قمر؟
اسكتي مش الراجل غلي الايجار ومش راضي يجددلي العقد واديني بلم في بأجتي وماشيه من الكوكب كانت معكي مطروده من كوكب مهجور :(

Unknown يقول...

طب يا ست شيكولاته
ربنا يبسطك كمان و كمان
و تحققى كل احلامك
و تاج جميل اووووى

مش تقولى ان ميخو اخوكى
برده
عشان نشكره عشان ليه اخت زيك
ههههههههه

الشعب لابد له من حكومه تشكمه يقول...

ههههههههههههههههههه هو انتى جاوبتى عن الاساله,اصلى مشوفتش اجابات:)

موناليزا يقول...

إيه الاجابات الجامدة دى:)
شكلك عامل دماغ جلاكسى مع بونتى انما ايه:)

صباحك فل ياقمر

غير معرف يقول...

لذيذ جدا البوست ده
وكمان أسلوب حضرتك أكتر من رائع
خلتيني أبتسم أكثر من مره

بالتوفيق دائما

------ يقول...

يااااااحراااااااام

دا مسطة منك خااااااالث مااااالص

------ يقول...

مسقطة

معذرة يااوختى اصل الكي بورد مسقطة هى كمان هههههههه

ازيك يابت ياشرى والله وحشانى مووووت

ابقى طمنينى عليكى

حلوة ايجاباتك

وتسلم ايدك على التاج
اكيد هجاوب عليه بس مش نااااو

صبرني يارب يقول...

عسله يا كوتي والله
ضحكت ضحك وانا باقراه
هههههههههههههههه

وميرسي على التاج بس انا جاوبته قبل كده والله

ميرسي يا جميل

غير معرف يقول...

ههههههههههههههه

شكلك مطحونه يا بنتي

مانت كنت قعدتي ولعبتي مع ابن اختك احسن :)

التاج ده جاوبت عليه من زماااااااااااااان ... فهديتك وصلت يا جميل

وحشاني مووووووووووووت

موووووووووووووه

Soma يقول...

ده ايه الحلاوه دي؟؟؟؟؟؟؟؟؟؟؟؟؟؟

ايه الجمال ده!!!!!!!
خليكي في المود ده علي طوووول

هو مود بس ولا مود وتفاح؟

اجاباتك عاي التاج تجنن

والتاج ده الصراحه جالي قبل كده وعملتو مش هينفع اعملو تاني

لو بعتيلي تاج جديد انا اول واحده هحلو


وحشتيني قوي يا شيري عايزين نبقي نرغي في التليفون شويه

حـــــروف متــبعترة " عــمرو الشــايب يقول...

ياااااااااااااة

انا مدخاتش عند شكاليطة من زمان

ازيك يا ست الاستاذة الدكتورة المشهندسة ههههههههههههههههه

عاملة اية و كيفك بس بجد بجد بوست زى العسل و كلامك حلو اوى بجد و تهيس بلا حدود برنامج جديد عندك ان شاء الله ههههههههههههههههههه

Pink Dreams يقول...

هههههههههههههههههههههه
ايه يا بت الحلاوه دى
دا انتى مهيسه على الاخر

بس اجاباتك تحفه

وحشانى يا شوكولاتايه يا قمر

اموووووووووووووووواه

شوكولاتة يقول...

صمت المشاعر
يادي الهنا يادي السرور يادي الشوكولاتة اللي هلت علينا منورة ياقمر ومبروك عليكي أول تعليق

عادي يعني إيه المشكلة أنا جدتي الله يرحمها ماشية في التلاتة وعشرين

بتحصل يعني
ههههههههههههههههه

شرفتي المدونة وزدتيها شوكولاتة يووووه قصدي شرف

شوكولاتة يقول...

مخاميخو حليب هارتي
إزيك يا وله عامل إيه واحشني ياخويا

بس سيبك إنت أنا اليومين دول اللي بيشوفني بيقول عليا بشتغل في غرزة تهييييييييييييس للصبح

واحشني يامخاميخو

شوكولاتة يقول...

أميرة الكوكو اللي معليهوش حد

ياعيني إنتي مش كاتبه معاه عقد ولا إييييييه ومش مسجلاه كده يضحك عليكي وإنتي تيجي تضحكي عليا وتدبسيني في الكوكو عاوزة تخربي بيتي

هههههههههههه

باي باي

شوكولاتة يقول...

بدراوي

يارب كل واحد ربنا ينوله اللي في دماغه

اه والله ميخو طلع أخويا من 22 سنة

تحياتي

شوكولاتة يقول...

شيمو الشعب حبيبي وشرياني

يووووووووه ده أنا نسيت صح أجاوب ياللا بقى مش مشكلة أهو طق حنك وخلاص

أمووووووووووووه

شوكولاتة يقول...

موناليزا

والله دي كانت شوكولاتة سادة مكنتش ملفوفة ولا حاجة
كانت بيور يعني

هههههههههههه

منورة ياموني

شوكولاتة يقول...

blackshawk
ميرسي جدا على ذوق حضرتك والحمد لله إن الموضوع عجبك

تحياتي

شوكولاتة يقول...

همسات حونينة

أنا يا أوختشي زي الفل الحمد لله ربنا ساترها معايا ومبسوطة قوي الحمد لله

هو أنتي مين؟ وإيه اللي جابك هنا؟ إيه الشوكولاتة دي

هوهو نونو ميااااو أنا أسد بريزيدن

هههههههههههههههه
تشاو

شوكولاتة يقول...

صبرها يارب

الحمد لله إنك ضحكتي أنا كده اتبسطت أكتر ده إنتي اللي حتة مارون جلاسيه والله

منور ياباشا

شوكولاتة يقول...

دكتور ميرو

لو حكيتلك هاتيجي تطبطبي عليا وتديني ربع جنيه ده انا بشوف أياااام اه ياولداه

ادعيلي أنتي بس علشان إنتي مستجابة

وأنتي وحشتيني أكتر والله

شوكولاتة يقول...

سومة صاحبة القهوة

اهليييييييييين عاش من شافك ياهانم يعني لاميل ولا تعليقات ولا بوستات طيب خلاص مفيش شوكولاتة وخليكي بقى

وحشتيني قوي ياطعمة ياقمرة

شوكولاتة يقول...

عمرو وائل

اتفضل حضرتك شوكولاتة المدونة زي مدونتك يعني

تحياتي

شوكولاتة يقول...

شوشو البمبي

أهلا وسهلا ياست شوشو منورة البلوج كالعادة أنا نفسي أعرف أنا مهيسة كده ليه دي بقت حالة مزمنة بقالها كذا يوم

واحشني ياباشا

TWEETY يقول...

ازيك ياابلة شوكولاته

يارب تكونى بخير

ليس فقيرا من يحب يقول...

السلام عليكم

شوكلاتتى

ما هذا التهييس الذى ارى

ليس فقيرا من يحب يقول...

والنت عندى هو كمان مهيس

وبعدين بطلوا حقد بقى بواكى خضرا مين

بس دا انا مفلسه لما الفلس اشتكى منى

ليس فقيرا من يحب يقول...

وبعدين اجابات زى العثل

ربنا يسعدك دايما يارب

وان شاء الله هابقى اجاوب عليه

ليس فقيرا من يحب يقول...

على فكرة بادعبس على الاختبار وهاجيبه ليكى ان شاء الله

بســـمة انور يقول...

شوكاليطة يا قمرة
وحشننانى خالص مالص

اجاباتك ظريفه وخفيفه ولطيفه ومش بتعمل حموضه (ههههههه)

لا بجد انتى حد جميل ومرح وحبوب اوى

وميرسى يا قمرة على التاج الحلو ده بس انا باين جاوبته من كام شهر كده هبقى اجاوبلك عليه بينى وبينك بقى هههههههههه

بســـمة انور يقول...

هو انا قولتلك ان لينك مدونتى اتغير ؟؟

طيب على العموم هذا هو اللينك

http://basma-2010.blogspot.com/

اى خدعه

--------ياريت يعنى بعد اوذنك تسيبيلى ميلك عندى فى التعليقات ...متخافيش عامله اشراف على التعليقات الدار امان يعنى

يلا سلامووووووووز يا قمرة

كيكى عوووووو يقول...

ممممممممم
اموووووووووت انا فى الشيكولاته
التاج تحسى كلوا كدة ساااايح من الشيكولاته ومهيس ومظب وكلوا من الشيكولاته
15 وماشية 22
براااااااااافو
بجد خلتنيى عايزة انزل اجيب شيكولاته سادة حجم كبيرررر
بقت 4.5
عاااااااااا

شوكولاتة يقول...

تويتي أمورتنا كلنا

أنا كويسة ياست تويتي انتي اللي عاملة إيه ياقمر إنتي وأخبار مذاكرتك إيه ياعسل

منورة ياتويتي

شوكولاتة يقول...

روني اللي عاملاهم بواكي خضرا

سالخيييييييير ياباشا يابنتي إنتي دايما تيجي بغاغة كده بس منورة والنبي بحس تعليقاتك دي بتونسني

وهارد عليكي تعليق تعليق
فضا بقى

شوكولاتة يقول...

روني اللي عاملاهم بواكي خضرا

ماتخليه هو كمان يهيس ياللا مش خسارة فيه ما إحنا ياما قرفناه وهيسنا عليه

ههههههههههه

شوكولاتة يقول...

روني اللي عاملاهم بواكي خضرا

دعبسي يا أوختشي براحتك ونشكركم على حسن تعاونكم معنا

مع تحيات وزارة الداخلية

شوكولاتة يقول...

pakkaramu

Thank your for your honorable visit

greetings

شوكولاتة يقول...

بسومة الأمورة

ده من ذوقك ياقمر والله بس أنا قلت أفرفشكم وأروقكم كده
شفتي أنا بدلعكم إزاي
أي خدعة

سيبتيلك الميل ياستي مايغلاش عليكي

سلاموز باللبن

شوكولاتة يقول...

كيكي عوووو

لأ متقوليش هيا غلت تاني ولا إيه؟؟
هي الناس دي مستقصداني ده أنا أروح أضرب حشيش أرخص

نيهااااهاااااااا

منورة ياكيكي هانم

مهندس مصري بيحب مصر يقول...

هههههههههههههههههههههههه
حالتك دي كانت بتحصل لي في حالة الهلكة و التعب الشداد
في الكلية ثم في الشغل بعد كده
لما الواحد كان ينزل من البيت 6 الصبح و يرجع 9 بالليل أو أكتر و هو مش شايف قدامه
كان بيبقى أحلى تهييس
بس إجابات الاسئلة الأخيرة حقيقية مش تهييس
:)
ربنا يعينك

Lady E يقول...

هههههههه ياني ياني ياني مش هجاوب التاج ده تاني هييييييييييييييه يس

جاوبته قبل كده هيييييييييه

ايه الاجابات اللذيذة دي يا شوشو يا حبيبتي كل ده من تأثير الشوكولاته والهازل نات :)

وحشاني يا قمرايا وثانكيو ع السؤالات

Cute Kitty **sookra يقول...

ياتجيبلى شاكاليته يابلاش ياولا
انا بعشق الشيكولاته
ايه دا هو مفيش حد موش بيحبها ولاايه
حلو التهييس دا

blue-wave يقول...

ههههههههههههههههههه
اجابات رائعه ودمها خفيف
زيك كدا
تحياتى

شوكولاتة يقول...

مهندس مصري

عندك حق فعلا والله ربنا هو اللي عالم بالطحنة اللي أنا فيها اليومين دول كل يوم من 8 الصبح ل 6 بليل
فلازم أهيس عاااااااادي جداااااا

شكرا

شوكولاتة يقول...

ليدي الصغنونة

وأنتي كمان وحشاني مووووووووت والله يانونو

طيب ماتجيبيلي واحدة هايزلنت بقى علشان طالبة معايا شكاليطة

ههههههههههههههه

شوكولاتة يقول...

سكرة

مين ده بس اللي مش بيحبها إنتي هنا في حزب الشوكولاتة الجالاكساوي التوبليروني الكادبوريني
هههههههههههههه

شرفتيني ياقمر والله ونورتي المدونة

تحياتي

شوكولاتة يقول...

بلو ويف

كلك ذوق وشكرا جدا لحضرتك

تحياتي

احساس طفلة محبة للرومانسية بس واقعية يقول...

كومبانوا
مساء الخير
ما انتى قولتى سومو سومو
لازم ادخلك يابانى بقى :)

من دخلة البوست وانا حاسة
انك منمتيش كويس
او مأكلتيش شيكولاتة من مدة
مهيسة على الاخر يعنى
بس بينى وبينك كدا احلى من الهم ووجع الدماغ

نيجى للتاج الجبار دا
اول تاج انا جاوبت علية على فكرة
وكان عاجبنى اوى اسئلتة لانها بتقربنا اكتر لبعض زى اى تاجات تانية بس التاج دا بالذات اسئلتة كتير واجابتها تعتمد على شخصية كل واحد

ربنا ميحرمكيش فى يوم من الشيكولاتة اللى متبهدلة معاكى حتى فى السفر :) ويسعدك يا قمر

دمتى بكل خير
تقبلى مرورى

mohamed ghalia يقول...

إجاباتك حلوة أوى
ربنا يكرمك ويسعدك دايما

شوكولاتة يقول...

إحساس طفلة بالسوشي
كومبانوا مورنينج
هو ده بقى صراع الحضارات :)
ههههههههههههههههه

آه والنبي يا أوختشي الشكاليطة غلت نار وأنا مقشفرة على الآخر مالاقيش معاكي ولا مع سومة شوكولاتاية تفك زنقتي
هههههههههه

خلاص أنا هدور عليه عندك وأقراه

منورة ياقمر

شوكولاتة يقول...

محمد غالية
شكرا جدا لحضرتك يا أستاذ محمد وربنا يوفقك

تحياتي

ستيتة يقول...

بقى انا كان ها يفوتني البوست العسل المغمس بالشيكولاتة والمكسرات ده كله
ههههههههههههههههههههههه
دمك شرباتات حلويات
ربنا يخليكي للبابا والماما ونفرح كلنا بيكي عن قريب
يارب ياختي يارب :)

بحبك وجاوبت انا التاج ده جبل كيديه يا اوختشي بس ميرسي بزيادة على اهدائه ليا

ألـــــــوان الحيــــــــاة يقول...

هههههههههههههه

هى الشوكلاتة ساحت ولا اية

احلى تهييس والله يارب دايما كده مهيسة وتهيسنا معاكى

سلامز

بعبعه يقول...

لعلمك حالة التهييس دي بتكون جامده جدا

التاج بتاعك عسول ولايق عليكى

micheal يقول...

التاج انتشر بشكل فيروسي في المدونات
يلا ادينا بنعرف شوية معلومات عن بعض
:)
تحياتي

شوكولاتة يقول...

دكتورة ستوتة

هو ده بقى دماغ دكاترة الجامعة شفتي أول أسبوع في شغلانتكم دي عمل فيا إيه ههههههههههههههههه

ربنا يخليكي ليا ومايحرمني منك ومن سؤالك عني أبدا وأنا أقول دكتورة ستيتة مسألتش عليا لييييه

سلاااام

شوكولاتة يقول...

ألوان
آه والنبي يا أوختشي ودماغي هي كمان ساحت معاها والله

سيبك المهم أنتي فيييييييين ؟؟
مستخبية كده من زمااااااااان
إيه مالكيش حبايب تسألي عليهم

ياللا سماح بس هاتيلي شوكولاتاية

سلاموز

شوكولاتة يقول...

بعبعة
أهو أي بعبعة والسلام كلمتين كده طق حنك علشان ماتنقطش وأموت
هههههههههه

تحياتي

شوكولاتة يقول...

مايكل

التيجان دي بتقربنا من بعض قوي لما بنعرف أكتر عن بعض بنرتبط ببعض أكتر

تحياتي

غير معرف يقول...

ليكي تاج عندي

تعالي استلميه :)

تحياتي

الشعب لابد له من حكومه تشكمه يقول...

وانا كمان ليكى عندى تاج تعالى خديه ههههههههههههههههه

شوكولاتة يقول...

فتاة من الصعيد

تؤمر ياباشا من عيوني الاتنين أجاوبلك على مية تاج

منورة

شوكولاتة يقول...

شيمو

الله ده أنتو بتشتغلوني بقى ماشي ياجودعان إنتو علشان عارفين إني بحبكم يعني ومقدرش أوقعلكم كلمة الأرض
حااااااااااااضر

سلاموز