الخميس، 19 نوفمبر 2009

آخر بوست ... وماتزعليش يامصر




عوووووودنا تاني بعد بوست التهييس اللي فات وأعدكم دائما بالمزيد ولا أقولكم بلاش المزيد علشان المرة اللي فاتت اتنشيت عين معتبرة جابتني الأرض وبقالي أسبوع عندي دور برد رهييييييييب والله رهيب ياللا بقى الله يسامح اللي كان السبب كنت شمعة منورة

ومعلش يامصر إننا مكسبناش الماتش بس هي الدنيا كده دوارة يوم لينا ويوم علينا وأهم حاجة في الرياضة الرووووح الرياضية.


يارب الفيفا يمنع الجزائر من المشاركة في كاس العالم ونصعد إحنا
يارب كل لعيبتهم بتدغدغوا قبل كاس العالم بأسبوع
يارب يقعوا في مجموعة البرازيل وفرنسا وإيطاليا والأرجنتين
يارب وسع مرماهم لملايين الأهداف
يارب اكسر نفسهم زي ماكسروا نفس 80 مليون غلبان
يارب يرجعوا من أول ماتش على بلدهم

مش بقولكم روح رياضية
نيهاهااااااااااااااااااا

عموما النهاردة أنا هاتكلم عن الجزء التالت والأخير من الأنماط التمثيلية لأن أكيد طبعا كلكم زهقتوا وعاوزين تعرفوا إيه هو أحسن نمط ؟ وإزاي نتعامل مع كل نمط بالطريقة اللي تحقق أكبر قدر من التواصل


أهم حاجة لازم نعرفها في بوست النهاردة إن مفيش نمط أحسن من نمط يعني كل نمط فيه ميزة وعيب معظم آرائكم أجمعت إن أفضل الأشخاص في المشاهد التلاتة كان المدير لأنه هو وكريم عرفوا يخلقوا لغة للتواصل مابينهم. ببساطة السبب إن الحوار بينهم نجح إن المدير عرف بالظبط يجمع بين التلات أنماط وعرف يتعامل من المنطلق ده مع كريم. يعني أحسن حاجة إننا نعرف نمزج بين التلات أنماط ونعرف نحدد نمط الشخص الآخر ونتعامل معاه من خلال نمطه شوية بشوية هتلاقوا الموضوع بينجح معاكم جدا

طيب إزاي نتعامل مع شخص نمطه مختلف عن نمطي ؟


لو بتتعامل مع شخص بصري حاول إنك تتكلم أسرع شوية لأن الشخص البصري مش بيبقى عاوز بنتظر وقت طويل علشان يعرف بقية الكلام وحاول تتكلم بصوت أعلى شوية أو بمعنى آخر خلي كلامك حيوي وله طاقة عالية وابعد تماما عن أي كلام عن المشاعر والأحاسيس واهتم أكتر بلغة الجسد لأن لغة الجسد بتجذب انتظار الشخص البصري جدا وبتخليه يركز معاك أكتر ودايما بص في عينه وهو بيكلمك ولازم تبعد الشخص البصري عن أي حاجة روتينية وابهره دايما بمفاجأت وأشياء جديدة واستخدم نفس لغة الشخص البصري يعني استخدم نفس الألفاظ اللي هو بيستخدمها لأن ده هيقربه منك جدا وهايحس إنك شبهه جدا وهيتعامل معاك من المبدأ ده.

التعامل مع الشخص السمعي بيكون أسهل شوية من التعامل مع الشخص البصري لأنه نمط شائع جدا. أهم حاجة في التعامل مع الشخص السمعي هي الاهتمام بالصوت يعني صوتك لازم يبقى معتدل جدا مش عالي ومش واطي يعني لازم تساعده إنه يسمعك كويس قوي لأن السمع بالنسبه له وسيلة الاتصال الوحيدة والأكثر فاعلية ونبرة صوتك لازم تتغير مع تغير مجرى الحديث يعني لو الموقف اشتد شوية ارفع صوتك والعكس صحيح. الشخص السمعي شخص عقلاني إلى حد ما كبير يعني لازم لما تتكلم مع شخص سمعي تراعي إنك ماتتسرعش في كلامك أو في قراراتك أو فهمك للموضوع لأن التسرع بيثير أعصابه جدا وبيخليه يخرج من دائرة الحوار. وحاول تستخدم معاه تعبيرات كلامية تقدر تأثر عليه وتقنعه بكلامك بصورة أفضل.

التعامل مع الشخص الحسي بيبقى أصعب شوية لأنه شخص قليل الكلام بطبيعته علشان كده بيبقى صعب شوية إنك تفتح حديث معاه. بس أهم حاجة في الشخص الحسي الهدوء يعني ابعد تماما عن الصوت العالي لأنه أكتر حاجة بتخرجه من حالة الاهتمام بموضوعك لكن الصوت المنخفض يجذب انتباهه بصورة أكبر أسهل وسيلة للوصول إليه وإقناعه هي اللعب على وتيرة أعصابه حاول تقنعه أكتر بمجموعة من الصور العاطفية والأحاديث الودية لأنها بتحسسه إن فيه حد بيشاركه إحساسه وهذا هو مايذيب الثلج بينه وبينك.

طيب لو حضرتك بتتكلم مجموعة ؟؟


المجموعة بتجمع بين مختلف أنماط البشر علشان كده لازم تخلط بين الأنماط دي وحاول تقرب أكتر من كل شخص باستخدام نمطه فالتحدث على طريقة الشخص البصري يجذب إليك أصحاب النمط البصري وهكذا



ملحوطة صغنونة كده : الموضوع ده كده خلص بس انا عاوزة أعرف رأيكم في بوستات التنمية البشرية دي لو عجبتكم أنا ممكن انزل منها أكتر وحاجات مفيدة أكتر




هناك 31 تعليقًا:

لا تـــشـــتــــاق يقول...

الحمد لله
خير لعله خير
وشكرا جزيلا على شرح الانماط
وكيفيه التعامل مع الاخرين

romansy يقول...

كله خير
بس اللى بيحصل للمصرييين حرام
حسبى الله ونعم الوكيل

blue-wave يقول...

كل دا مش هايحصل
لأن الجزائر عرفت توصل لقلب الفيفا
عكس البهوات بتوعنا
وسلملى على العروبه وميدان الثورة

غير معرف يقول...

وحشاااااااني موووويت ياقمراية

وعارفة اني مقصرة معك بس غصب من عني ولهي

فجيت اسلم عليكي :)

بالحضضضضضضضضضضضضضضضن

عارفة بقالي فترة مكلتش شوكلاتة ابقي ابعتلي حتة يا بت :)

:]

غير معرف يقول...

يارب الفيفا يمنع الجزائر من المشاركة في كاس العالم ونصعد إحنا
يارب كل لعيبتهم بتدغدغوا قبل كاس العالم بأسبوع
يارب يقعوا في مجموعة البرازيل وفرنسا وإيطاليا والأرجنتين
يارب وسع مرماهم لملايين الأهداف
يارب اكسر نفسهم زي ماكسروا نفس 80 مليون غلبان
يارب يرجعوا من أول ماتش على بلدهم

هههههههههههههههههههههه
هههههههههههههههههههههه
ههههههههههههههههههههههههه
هههههههههههههههههههههههههههه

عنجد رووح رياضية غير شكل

انا اتقهرت لاني كنت اخر من يعلم مكنتش فاهمة انهم هيلعبوا تاني مع الجزائر كنت فاكرة فازوا وخلاص
عمالة اسمع في السودان ومعرفش ايه افتكرت مصر هتلعب مع السودان

طبعا مبرووك للجزائر بس حسيت انه خسارة فيه الفوز بسبب الشتائم والافعال السئية والشماتم وغيره لولا كدا كنت فرحتلهم لانهم عرب

يلا خيرها بغيرها بقى :(

Lady E يقول...

فعلا اوعي تزعلي يا مصر

وايه الروعة دي

ايه الجمال ده

عظمه على عظمة يا شوشو يا اطعم شوكولاتايه

عجبني جدا موضوعك والانماط التلاتة معلومة اول مرة اعرفها

استمري يا بونيتي بارك الله فيكي :)

بجد بحب مواضيع التنمية البشرية دي اتكلمي فيها انتي بس وانا هقعد في مدونتك ليل ونهار

على فكرة ذوقك رووووووعه في الاغاني

funky girl يقول...

هههههههههههههههههههههههههههههههههه
lol
روح رياضية جدا
بس بجد عاجبني او موضوع التعاملة مع الناس
:)

موناليزا يقول...

عجبنى دعائك:)
ربنا يتقبل
وحسبى الله ونعم الوكيل فيهم
---
طبعا نزلى مواضيع من دى زى ماتحبى

بنت الأسلام يقول...

جزاكم الله خيرا على أنماط الشخصيات

أما أول البوست فأنا لاأتفق معك
بلاش الدعوات دى إحنا مهما كان عرب ومسلمين مش ماتش كورة هيفرقنا كدا

وأول مرور ليا هنا وإن شاء الله تكرر
تحياتى

Cute Kitty **sookra يقول...

كويس الانماط دى حسيت انى فى حصه علم نفس بس افادتنى بجد
شكرا ليكى

غير معرف يقول...

البصري ام السمعي ام الحسي ؟

اولا اعتقد اننا نقلل كثيرا من فكرة التواصل بالرغم من كونها فكرة خطيرة ومعقدة حتي تصبح ناجحة ومنجزة ........ والدليل انه بالرغم من تواصل العرب او المسلمين علي مدار التاريخ الا انهم بالكاد يرون انفسهم ويسمعون بعضهم ويحسون بذواتهم .

ثانيا : ان البصر او السمع مع احترامي هي ادوات للاستشعار بمعني قراءة حدث وادراكه ...... واولي خطوات الادراك هي الاستحواذ علي انتباه الاخر وقد يكون هذا الاستحواذ عن طريق النظر او السمع او الاحساس او باي وسيلة اخري ممكنه ومتاحة ومشروعة .

ثالثا : برغم من اهمية دور التنمية البشرية الا انها تحاول ان تحقق حلم فشل الانسان في ادراكه , وهو حلم الانسان الالة او الالة القادرة علي الشعور ...... الا انها تعمد الي قولبة البشر واتباع قواعد عامة لا تصلح مع كل البشر وذلك لمقدار التنوع الهائل بين البشر في القدرات والملكات والخبرات بالاضافة الي العبقريات التي تبرز من ان لاخر التي تملك القدرة علي التواصل والتاثير في العالم بعض النظر عن اختلاف الطباع او اللغة او العقيدة ....... واري ان التنمية البشرية وسيلة جيدة لاكتشاف الملكات الكامنه في كل فرد .... الا انها لا يمكنها ان تصنع من انسان فاقد للموهبة الي عبقرية فذة او شخصية مؤثرة , وانما يمكنها ان تطور مهاراته كشخص عادي في مخاطبة اشخاص عاديين مثله ..... اما فكرة التواصل المنجز او المؤثر شئ اكبر من تقسيم البشر الي انماط او التاثير في حواس البشر ايا كانت سواء بصر او سمع او حس .......والا كيف نفسر قدرة غير المبصرين علي الابداع واتقان فن المخاطبة واشاعة البهجه وهم يعيشون في الظلام , او كيف نفسر وجود عبقرية موسيقية ولكنها في الاصل صماء مثل بيتهوفن او عبقرية اخري من كل النواحي مثل هلين كيلر التي هزمت الظلام والصمم .

وفي اعتقادي ان القدرة علي التواصل الجيد تاسس علي مفاهيم انسانية مشتركة , مثل الاحترام المتبادل والفهم الجيد بل ان البساطة في حد ذاتها عبقرية لا يتمتع بها الكثيرون .

علي اية حال مدونة متفائلة وبوست جيد وارجو ان تستمري علي هذا المنوال..... ولكني اري ان فكرة التنمية البشرية هي كنز للبعض وسجن للبعض الاخر .

وشكرا

اقصوصه يقول...

هارد لك :)

غير معرف يقول...

اولا بحيي فيكي الروح الرياضيه .... وتشجيعك المشرف :))

ثانيا عاجبني اوي طريقه التعامل ي .... فعلا التنميه البشريه دي طلعت مفيده

كملي يا ريت .... بدل ما اضطر اروح اخد كورسات ....استغلال بقا :)

تحياتي

Pink Dreams يقول...

شوكولاتايه

ازيك يا قمرايه

بجد بجد وحشانى مووووووووووووووووت

Pink Dreams يقول...

ههههههههههههههههه

ايه يا بنتى الروح الرياضيه دى كلها

هههههههههههههههههههههه

بس تصدقى عندك حق

انا كمان هقعد ادعى كدا زيك

اصل انا كمان عنى روح رياضيه عاليه قوى


خصوصا مع الجزائريين حبايبنا القطاقيط

اللى عمرهم ما عملوا حاجه وحشه لمصر

ولا بيرشوا الحكام ولا الجمهور
ولا بياجروا بلطجيه علينا ولا اى حاجه خاااااااااااااالص

فعلا شعب مسالم ربنا يخليهم لبعض

وفى النهايه احب اقولك اوعى تصدقينى فى اى حاجه

شوكولاتة يقول...

لاتشتاق
مش عارفة أقول إيه بس أكيد كل حاجة ربنا بيعملها خير

لا شكر على واجب

تحياتي

شوكولاتة يقول...

رومانسي
إحنا دلوقتي بنحصد اللي زرعناه إحنا هونا على نفسنا قبل مانهون على الناس وقطعنا روحنا قبل ماهما يقطعونا

تحياتي

مي يقول...

حلو البوست ده ومفيد ياشيكولاتى
تسلمى ليا ياقمر
ووحشتينى اوووووووووى

شوكولاتة يقول...

د.عمرو
والبطل أحمد عبد العزيز كمان لحسن يزعل
ههههههههههههههههه

إحنا كده في الأنتخة دايما بنلعب في الوقت الضايع

تحياتي

شوكولاتة يقول...

نوارة
وانتي كمان ياحبي
بالحضضضضضضضضضضضضضضضضضضضضضضضضضضن
أموووووووووووووووووووووووووواه

وياستي لاتقصير ولاحاجة وانا عارفة مايبعدكيش عني إلا الشديد القوي
ولايهمك مفيش الكلام ده بين الأخوات

شوكولاتة يقول...

نوارة
هو اللي مزعلني والله سلوكهم القذر ده مش إننا خسرنا اللعب مكسب وخسارة عادي بس قلة الأدب هي اللي مش عادي

منورة ياقمراية

شوكولاتة يقول...

ليدي النونو
من عيوني ياعمري بس كده أكتبلك مليون موضوع تنمية بشرية وأنا في ديك الساعة اللي ليدي هانم تنور مدونتي الكحكوحة دي

وحشتيني مووووووووووووووت

شوكولاتة يقول...

بنوتة فانكي
هي دي الروح الرياضية ولا بلاش
هههههههههههه

الحمد لله إن الموضوع عجبك يارب كل مواضيعي تعجبك

تحياتي

شوكولاتة يقول...

موناليزا
أي خدعة أنتي بس قولي آميييييييييين

طالما الموضوع عجبك يبقى هانزلك منه أكتر

وحشتيني موووووووت

شوكولاتة يقول...

بنت الإسلام
نورتي المدونة وأتمنى منك دوام التواصل

والحمد لله إن البوست عجبك بس التصرفات دي ماينفعش نقول عليها تصرفات مسلمين دي منتهى عدم الاحترام دي كفاية انهم محترموش الايام المقدسة دي

تحياتي

شوكولاتة يقول...

سكرة
الحمد لله ياباشا إنك استفدتي وياريت تقدري تطبيقها لأنها هتريحك قوي في تعاملك مع الناس

منورة ياقمراية

شوكولاتة يقول...

غير معرف
بالرغم من احترامي الشديد لكلام حضرتك إلا اني اختلف معك قليلا في الرأي فأنا لا أرى أن التنمية البشرية تحاول من تقليل دور حس الإنسان أو أنها تحاول أن تحوله إلى آله ولكنها تحاول تهيئة جو من التعارف بين المرء وشخصيته فتساعدك على فهم تصرفات البشر بصورة أفضل ومن ثم التعامل معهم بصورة أفضل وهذا لا يعني تقليل دور إحساس الإنسان الطبيعي بل وبالعكس فإنها تحاول تنمية ذاته وإحساسه ثم ينطلق بعدها الإنسان بعد أن يكون قد فهم ذاته ومن حوله بصورة أكبر

وبالطبع ليس من شان التنمية البشرية أن تحول الشخص العادي إلى شخص موهوب فالموهبة فطرة تولد مع المرء ولايمكن استحداثها ولايمكن توليد موهبة عند شخص يفتقدها تماما ولكن من شأن علم التنمية البشرية أن يساعد الإنسان على اكتشاف مواهبه وقدراته فيكتشف نقطة تميزه كما انها تساعده على تنمية هذه الملكة أو الموهبة

الانماط التمثيلية ليست هي الطريق الوحيد للتواصل بين البشر ولكنها نقطة في بحر علم فن الاتصال الفعال فالكفيف يعتمد على حاسة السمع كليا في إدراك مايدور حوله وكما ذكرت هيلين كيلر التي كانت صماء عمياء ولكنها استطاعت تنمية مواردها المتاحة واكتشفت نقاط قوتها ونمتها بكل ما تمتلك حتى تحولت إلى شخصية عبقرية

شكرا جدا على رأيك في مدونتي

تحياتي

شوكولاتة يقول...

اقصوصة

ياللا بقى هنقول ايه خيرها في غيرها إن شاء الله ومهما كان ده ماتش كورة

تحياتي

شوكولاتة يقول...

دكتور ميرو
الله يخليكي ده شعور كل مصري عنده شوية أحمر من اللي بيجري في العروق ده

ماشي ياست المستغلة هاقرفك بوستات من دي ولايهمك

أمووووووووااه

شوكولاتة يقول...

شوشو البينكي
ماشي ياست الفشارة
هههههههههههههه

وأنتي كمان وحشتيني أكتر ياحبي بس معلش مشغولة شوية اليومين دول

طبعا طبعا الشعب الجزائري شعب عربي شفيق يارااااااجل

حسبي الله ونعم الوكيل فيهم

شوكولاتة يقول...

ميوية
الحمد لله انه عجبك ياميوية

وبعدين بقى ماتخدينيش في دوكة أنتي فين ياهانم ولا حس ولاخبر كده إيه اللي شاغلك عنا كده بس ؟؟

فين بقى بوسة البوست هاه

أموووووووووووووووووووااه