السبت، 23 يناير 2010

حكاية من بلد تانية خاااااااالص


نشرة أخبار الخامسة ونص إلاخمسة في سنة 2100





اليابان تحتفل بوصول شحنة الكومبيوترات الذكية بعد وصولها من القاهرة بعد جدل دام ثلاثة أيام في مجلس الشعب المصري


فوز مصر بالمركز الثاني في بطولة كأس العالم بعد هزيمتها من الأرجنتين بضربات الجزاء


ارتفاع عدد حالات الانتحار بين الشباب بسبب حالة الاكتئاب التي انتابت بعض الأشخاص بسبب الرفاهية الزائدة


اعتصام اللاجئين الأمريكيين أمام رئاسة مجلس الوزراء للمطالبة بمساواة أجورهم بالموظفين المصريين الذين تجاوزت رواتبهم حاجز المية ألف دولار


ارتفاع قيمة الجنيه المصري أمام الدولار الأمريكي والين الياباني واليورو بمعدل خمسة وتلاتين جنيه ونص


اتصال هاتفي من الرئيس بالمستشار الألماني بعد قيام مجموعة من الطلبة الألمان بسرقة أبحاث من طلبة مدرسة كفر ميت أبو حلاوة الثانوية المشتركة بنين


افتتاح مطار العياط الدولي بعد الاستغناء عن خط السكة الحديد


إضافة علبة زبدة فستق وكيلو جبنة ريكفورت وكيلو شوكولاتة سويسري إلى البطاقة التموينية وتوصيلها ديلفري


افتتاح مركز مبارك للجراحات التجميلية وهو المركز الأول من نوعه في العالم


مصر تتفق مع فرنسا لعمل عرض للآثار المصرية ومنها أبو الهول ومعبد الكرنك التي قامت فرنسا بشرائها عام 2010 بعد قيام أحد نواب مجلس الشعب بعرض قانون يبيح تجارة الآثار


وزارة المالية تقرر صرف اتنين مليون جنيه لكل مواطن ينجب أكثر من طفلين وذلك لزيادة أعداد الشعب بعدما كاد الشعب المصري أن ينقرض جراء وباء أنفلونزا الخنازير الذي حصد أرواح سبعين مليون مصري


إعلان أيام الجمعة والسبت أجازة رسمية لأقسام الشرطة وذلك بعد تضائل معدلات الجريمة بشكل واضح


تجديد البيعة لسيادة الرئيس أمد الله في عمره وعمرنا لفترة رئاسية جديدة وهي رقم 81




بلدي وبحبها غصب عن عين التخين فيكي يادنيا


هناك 18 تعليقًا:

مي يقول...

ارتفاع عدد حالات الانتحار بين الشباب بسبب حالة الاكتئاب التي انتابت بعض الأشخاص بسبب الرفاهية الزائدة
هههههههههههههههههههههه وحشتينى يامضروبة فى الخلاط فينك ياشيكولاتى يامحشية
كل الاخبار دى صحيحة وعلى يــــــــــــدى
وبالذات الخبر ده وانا من موقعى هذا ومن كتر الرفاهية هنط من البلكونة
وحشتينى يابت يارب تكونى بخير دايما

مووووووووواه

غير معرف يقول...

اللي انتي كاتباه فيه بيعملوه بس بصورة تانية
فيه مؤسسة اوربية اسمها ساكس بنك
هي استثمارية
سنويا بتعمل تقرير عن 10 قضايا مش موجودة علي مستوي العالم
القضايا دي هي افتراضات ويبقئ هدفها اثارة الذهن لدراستها وبخث عن حلول لها

بس مش حد بيهتم بيها لأن الأسواق نفسها بتقلباتها مش محتاجة اثارة ذهن من مصادر تانية


تامر

ستيتة يقول...

دي من علامات الساعة؟
والا فعلا العلامات الكبرى ظهرت؟

احبك يا متفائلة

Soma يقول...

ده ايه ده؟؟
خير اللهم اجعله خير

ابقي اتغطي كويس ةانتي نايمه يا شيري

ومتحكيش الكوابيس دي تاني

وحشتينييييي

لجين أبو الدهب يقول...

لا ده احنا وقتها كده نبقى فى الجنة مش مصر D:

دمتِ بخير ..

غير معرف يقول...

ههههههههههههه

ليه بس كده ... بصي ممكن دماغ المصري تسرح لاي حلم الاااااا تغيير الريس

ربنا يخليه لينا :))

تحياتي

Lady E يقول...

وكمان الغاء الامتحانات اللي بتجيب عته والغاء المدارس والجامعات كمان بالمرة :)

تسلم ايدك وادينا بنحلم

ليس فقيرا من يحب يقول...

شوكلاتى

ازيك يا قمر

اخبارك ايه يا جميل

وحشانى يابت

طبعا انتى بتتكلمى عن جمهوريه فى الحلم استان

انا عارفها وقريت كل الاخبار دى

دى حتى اخبار بايته يا روقه

هههههههههههههههههههههه

امووووووووووووووووواه يا قمر

ربنا يسعدك يااااااااااااااااارب

شوكولاتة يقول...

ميوية الاسكندرانية

طيب ولما طلعت من الخلاط بقيت إييييييييييه؟؟؟؟

موز باللبن ولاتشيكن ألاجريك
نيهاهااااااااااااا

وأنتي كمان وحشتيني قوي يابطوطة وهتوحشيني أكتر لو نطيتي من البلكونة بس أحب أقولك فوقي الكلام ده حكاية من بلد تانية خااااااااااالص

أمووووااه

شوكولاتة يقول...

تامر

الناس دي بتعمل كده علشان لو فيه حاجة قابلتهم بعد كده مهما شفناها احنا خيالية هما هيبقوا قادرين ومستعدين لمواجهتها وده الفرق اللي بينا وبينهم

تحياتي

شوكولاتة يقول...

دكتورة ستوتة

لأ دي تخاريف عيل نسي يتغطى
هههههههههههه

شوكولاتة يقول...

سوماااا

نعم نعم....مين قالك بقى اني مكنتش مغطية ده موضوع حقيقي فعلا ولو مش مصدقاني اقري البوست اللي فات وانتي تعرفي اني واخدة جايزة تجيب محفوظ في الفشر

نيهااااهاااااا

وحشتيني ياسمسمة فينك ياقمر

شوكولاتة يقول...

أختي لوجي
مالمفروض ياحبيبتي انها جنة ربنا ع الأرض بس للأسف بقت جهنم ربنا ع الأرض ربنا يكرمها باللي ينقذها بقى

منورة دايما

شوكولاتة يقول...

ميرو الصعيدية

ده حلمنا طووووووووول عمرنا....

احم ماتودينيش ي داهية بقى
الحق احلم واسرح قبل مايبقى فيه ضرايب على الأحلام

وحشتيني يامشمش

شوكولاتة يقول...

ليدي النونو

أوعدك أول مارئيس جامعة مصر العربية يمشي (وش بيغمز) هاحطك مكانه واعملي يومها اللي انتي عاوزاه

ربنا معاكي ويوفقك

شوكولاتة يقول...

روني اللي فقيرة خالص

وانتي والله وحشتيني اكتر ياروني

سيبك انتي هي كانت ليلة برد قوي

ويسعدك ياعمري

طهر فؤادك يقول...

السلام عليكم ورحمة الله وبركاتة

ربنا يكرمك يارب والمسلمين

بوست جميل ضحكتينا فية كتيررررررر

بس اية حكاية مدة رئاسية جديد دى انتى معانا ولا مع الناس التنييين ههههههه ..

-_- يقول...

اتصال هاتفي من الرئيس بالمستشار الألماني بعد قيام مجموعة من الطلبة الألمان بسرقة أبحاث من طلبة مدرسة كفر ميت أبو حلاوة الثانوية المشتركة بنين


ليه لا ؟