
كيف تصبح متتامراً؟
بص يابني أنت وهو وهوه لو نفسكم تبقوا متتامرين فهذه هي الطريقة الأسرع لكي يسجد لك الشباب:
أولا علبة جيل فيانسيه من أبو 6 جنيه وخلي أخوك الصغير يلعبلك في شعرك علشان ينفش وينعنش كده
ثانيا حظاظة منتنة من عند عم شعبان روشنة اللي في العتبة وعلى قكرة دي باتنين جنيه ونص ولو دفعك أكتر من كده يبقى حس فيك حسك التموري
ثالثا البس قميص أخوك الصغير وأوعى تنسى تقطع العشر زراير الفوقانين علشان السلسلة تبان

رابعا بطل تبعزق فلوسك على ناسيت تو وجيليت بلو وسيب دقنك للي خالقها
خامسا ألبس البنطلون اللي الشغالة عندكو عاملاه خيشة
سادسا لو كنت دخلت الجيش ألبس الحزام تاني بس ماتنساش تلمع التوكة عشان تزغلل عيون الموزز اللي طبعا هايتلمو عليك لما تسبلهم بعنيك المستخبية تحت حواجبك .. ولو كنت متهرب من الجيش أمرك لله أشتريلك واحد بس ماتشدهوش على وسطك علشان ماتضيعش قيمة النو ويست
سابعا وشفلك شبشب بصباع .. اسمع أغنية يابتاع الشباشب لنجم الچيل .. مرمي في أي مقلب زبالة كده وحطه في رجلك
ثامنا وبعدين تروح على أي أجزخانة جنب بيتكم وتجيبلك كام حقنة تستوستيرون يعملولك بالونتين في دراعاتك علشان الموزة تحس إنها ماشية مع هيركليز ولو بتخاف من الحقن يابيضة روح عند عم بلفة العجلاتي ينفخلك بربع جنيه ولو حبيت تشهيصه اديله خمسين قرش


وبكده ياشباب الجيل نكون عملنا ثورة تمورية في البلد ولما تروح أي حفلة الناس هاتسجدلك زي كده بالظبط

على فكرة أنا مش بقول أن تامر حسني مش كويس بالعكس ده فنان بيقدم لون معين أنا بتكلم بس عن الناس الهايفة اللي أخدوه قدوة وعملوه نبي وبيقلدوه في كل حاجة وبعيب على الحاجات الغريبة اللي هوه بيعملها واللي مالهاش أي معنى. وعلشان محدش يتكلم أنا مش عمورية أنا بس بقول نعجب بفنان بس مانعبدهوش
هناك 71 تعليقًا:
هههههههههههههههههه
تحححححححفففففة بجد يا روقة
فظيييييييييييع
حلوة قوي يبقى حس فيك حسك التموري
واوعى تنسى تقطع العشر زراير الفوقانيين
ههههههههههه
ولا حقن التستوستيرون قبل كده اتنين ولاد دخلوا عليا انا وصاحبتي الصيدلية زى البودى جاردز ..خفنا منهم جدا قالولنا اطلبولنا 100 علبه تستوستيرون..وعضلاتهم مخيفة وفاتحين دراعتهم كده شكلهم مخيف جدا
...
الشباب ضرب خلاص... اتجنن من منظر تامر حسني والبنات طبعا ...الولاد يقلدوا تامر والبنات تقلد نانسي...
أنا شخصيا بحب احساس تامر حسني فى اغانيه وكلماته حلوة جدا ..لكن شخصيا ما يهمنيش زيه زي اى مطرب ...مع ان منظره الخارجي مش ولابد يوحي بالتفاهة ... بس اغانيه حلوة برده ...
موضوعك يجنن
عثل والنبي عثل
ايوه كده ضحكينا
عن جد كتير اشتقتلك يا روقتي
salaaaaaaaaaaaaaaam
c u
جرى ايه يابنتي انتي كنتي بايته هنا الليلة ولا إيه ده أنا مالحقتش اسمي عليه عموما نورتي لأ انتي على طول منورة ياقمر
جرالك واضح ان الحس التموري عندك عالي قوي مالك كده ده الواد ميخو لما بيزعق بيقول كلام أحلى مليون مرة من كلام الواد الصايص ده
c u sweety
بما انى اول تعليق احب اهديكي الاغنيه ديه من اغاني الاستاذ المبجل تامر حسني
These words r only 4 u ,ro2ah((choclata))
بعيد عن عيني جايز
بس اللى بيني وبينه عايش جوه قلبي مهما كان
صحيح انه سايبني
بس قلبي مش جايبني انسى حضنه بتاع زمان
في حاجات عشتها وياه وما تنفعش الا معاه لو ضاع منى انا اضيع واموت ولا تنفع بعده حياة
رنونتي
وحشتيني وحشتيني سنين بعدك على عيني ليالي كنت مش عايش ومستنيكي تحييني
خليتيني أعيط وفكرتيني بيوم سفرك وقبله يوم سفر ميخو
أنا بحبكم قوي
أموووووووووووووووووه
ههههههههههههه اه والله اخوكي شاعر اصلا مش عارفه ليه مش بيكتب كتاباته على مدونته ..ده هيعمل انقلاب .. وبعدينتامر ايه ده ..ييجي جنب ميخو ايه اصلا...
.... حثالة المجتمع وتفلة الحشرة
نو كومباريزون اصلا ..
ربنا يباركلي فيه
يا حبيبتي
وانا كمان عينيا كانت مدمعه وانا بكتبها
بس عشان كنت بابشر البصل
برده وحشتيني خالص ووحشتني ايامك وضحكتك الحلوة وشقاوتك
يالا بقى كفاية هنقلب المدونة محزنة ونطفش الناس
سلام يا جميل
رنونتي
بصل الله بسامحك يعني بعد البقين الحلوين دول تقوليلي بصل روحي ياشيخة وتعالي وفي إيدك فخدة الديك الرومي اللي بتعمليه
ههههههههههههههههههههه
:))
جميل اوى اسلوبك يا شوكولاته
هى صورة اللى بيسجد دى فعلا كان بيسجد لتامر فعلا ؟!!
:s
انا من محبي تامر
لكن كلامك موضوعي ونقدك عقلاني ومنطقي
وعجبني البوست
لان لا ملائكة تسير على الارض
كلنا بشر ونخطئ وجميل ان نرى اخطاؤنا
تحياتي
والله ياناس عملتوا له سعر واتكلمتوا عليه ماتكبروا دماغكوا بقي
وانسوا والى عاوز يقلد يقلد والى عاوز يبعد يبعد
واسمع سلام على طول السلام للبرنس كاظم الساهر وهو بيقول كان صديقي وكانت حبه الابدى بل كان حبهما حكايه البلد
مش تقولولى تامر
كبروا بقي
وكل واحد له ميوله وارائه وافكاره
ايه الكلام الغريب ده؟
"على فكرة أنا مش بقول أن تامر حسني مش كويس بالعكس ده فنان"
متقولى انتى حد ماسكك
هوه مش كويس
احنا ناقصينة هوه كمان
هههههههههه
قولى متخافيش انا محامى
ههههههه
فعلا شباب تافه اللى يقلد فى كل حاجة دة
ربنا يهدينا ويهديهم
انا مش من انصار تامر ولاحاجة بس بحبو
وبدايق اوى لما حد بيهزق فيه لان ده ليه اهل
لو دخلو ع النت هيزعلو اوىى
انا شايفه ان تامر احسن من غيرو بكتير كفاية مشروع مصر الخير اللى بيعملو فى جدميع المحافظات
وانا شايفه ان السنة الجاية
ولايام الجاية
تامر هيبقا احسن
ويتفادى الحاجات اللى بتزعل الناس منو
هههههههههههه
انا بقا بقول تامر وحش وموش كويس...... حد له شوق في حاجه " وش بلطجه "
ثواني بقا يا جماعه .... هو تامر بتاع جمعيه مصر الخير يا مشمشيه .... يا ريت تأكيديلي هذوها المعلومه ...... لأن بكده موش طلع فنان سكا وبس .... ده نصاب كمان ..... وانا اشهد على احدى نصبايات هذه الجمعيه المفتريه
تصدقي هتخليني اكتب بوست عن الموضوع لو تامر وراه
ميدو
شكرا جدا يا أستاذ أدهم دي شهادة أعتز بيها
الصورة حقيقية مية في المية وكانت في حديقة الأنبا أنطونيوس اللي في اسكندرية بس لما الناس هاجمت الصورة تامر قال إنه كان بيسجد شكر لربنا إنه طلع ووصل للمسرح
بس ده عذر أقبح من ذنب
ربنا يهدي الشباب
أسعدتني جدا زيارتك ويارب تشرفني دايما
تحياتي
فكرة من الزمن ده
وهوه ده بالظبط اللي انا عاوزة اقوله يعني هوه من حقه يقدم فن بس لو بطريقة أفضل هايكون أحسن بكتيييير واكيد شعبيته هتزيد
نورتيني ونورتي المدونة ياقمر
تحياتي
لاتشتاق
ماشي يا أستاذ أحمد انا معاك اننا المفروض مانديلهوش حجم اكبر من حجمه بس هوه مابقاش مطرب بس لأ ده بقى ظاهرة غير طبيعية شايف الناس عاملين عليه ازاي في الصور مش عاوز صورة شاب ضايع بيسجد لتامر تحركني وتخليني لازم اتكلم
كل التحية
مسدس صغير
يعني أقول اللي أنا عاوزاه وأروح بكره أعملك التوكيل
بس أنا مبدأي إن حريتي تنتهي عند حرية الآخرين يعني إذا كان من حقي إني أنقده يبقى لازم أحترم إن في ناس كتير بتحبه بغض النظر عن قيمته
ياريت تكون فهمت قصدي
شكرا
هههههههههههههههههههههه
ايه يا بنتى الثوره دى
فعلا بقى فيه تصرفات غريبه قوى من الشباب اليومين دول
وخصوصا الحرب اللى قايمه بين حزب عمرو وحزب تامر
يا جماعه الاتنين فنانين مقولناش حاجه
بس مش لدرجه ان احنا نقسمها احزاب
انا مش بقول عليكى طبعا يا شيكولاته لان نقدك موضوعى جدا
لكن انا بتكلم على الناس اللى فاكراها حرب
حسسونى انهم بيتكلموا على الاهلى والزمالك
دا على كدا بقى الاهلى والزمالك طلعوا ارحم
هههههههههههههههههههه
تسلم ايدك على البوست يا شوكولاتايه
اموووووووووووووووواه
والله يا استاذة انا هقولك كلمتين
انا خايف على مصر من تامر وامثالة اكتر من امريكا واسرائيل
قطيعه تقطع تامر على عمرو على الكل كليله
ماله سعد عبد الوهاب
ههههههههههههههه
طب العيال الملزقه المعفنين الى مربيين شعرهم فى الشوارع دول
قوليلى مقلدين مين عشان اولع فيهم وفيه
قال بيقدم فن قال
مسخرررررره
أنا شايفة ان تامر بيقدم فن كويس جدا مش ذنبه ان البنات حبته او ان الشباب بيقلدوه
حتى لو طريقة لبسه مش كويسه ... ده مش نبي يعني ..يعمل اللى عايزه براحته...الغلط في اللى بيقلدوه..اى نعم هوه مش محترم برده بس كل المطربين كده محدش فيهم محترم ...بيصوروا كليبات قرف وقلة ادب..ده العادي بتاع الوسط ده ..كله تسيب وانحلال...اشمعنى تامر يعني اللى بنتريق عليه ...ما فيه جورج وسوف معفن وزبالة وناس بتحبه بس عمرهم ما هيقلدوه لانه مش حاجة يعني..وعندكم شعبان عبد الرحيم وعندكم ريكو وغيرهم كتير بلاوي سوده...
كل المطربين بقوا استايل واحد فى مصر كلهم بيحاولوا يظهروا اجسامهم ستات او رجالة...الغلط بقى ان شبابنا بقى تافه واعتبر الناس ديه قدوة ونسي ان فيه صحابة وتابعين وعلماء والرسول عليه الصلاة والسلام...بقى كل دماغهم ازاى يبقى حواليهم ستين بنت
وكل واحد يقعد مع اصحابه فى النادي يفشر عليهم ويقولهم انا معلق ستين موزة ...شباب تافه وحقير
اه ومحدش ليه اتريق على عمرو لما صور بوستر البومين وهوه مش لابس حاجة ولابس سلسلة بس
اشمعنى تامر يعني
كلهم زى بعض
بس الفرق ان تامر الناس بتحبه قوي
انا مش متحيزة لتامر ولا حاجة ... انا بحب نوجه النقد للحاجة الغلط فعلا .. والحاجة الغلط اننا اعتبرنا الممثلين والمطربين قدوة...وكلهم غلط ...مثلا تامر مش بيمانع ان البنات تسلم عليه بصورة مش ظريفة ..عادي جدا عنده وعند اى مطرب
شوكولاتى
تعرفى أحسن حاجة قولتيها الكلمتين اللى فى الآخر دول
"
على فكرة أنا مش بقول أن تامر حسني مش كويس بالعكس ده فنان بيقدم لون معين أنا بتكلم بس عن الناس الهايفة اللي أخدوه قدوة وعملوه نبي وبيقلدوه في كل حاجة وبعيب على الحاجات الغريبة اللي هوه بيعملها واللي مالهاش أي معنى. وعلشان محدش يتكلم أنا مش عمورية أنا بس بقول نعجب بفنان بس مانعبدهوش "
هو فعلاً فنان كويس بس للأسف مظهر الفنان مهم جداً لجمهوره ولازم يكون قدوة
وما تنسيش إن لولا نجاحه مكانش كل الناس دى قلدته
صح يا عسل
سلاموووووووووووز
بصراحة طريقتك في العرض تفطس من الضحك
والا الصورة الأولانية
تمورة عمورة والبنات المسحورة
الفيلم الذي مزق قلوب العذارى
ان اسمع اغنية واحبها شيء
وان ابهر باللي محتاج يتدعك في حمام تلات ايام واحتمال مينضفش ده شيء تاني خالص
بصى سواء كان فاتح قميصه او بفنله
فعايزين الحرق بصراحة بس هنعمل ايه الاغلبية معاه والشباب الصغي اللى بيقلد اى هبل موجود
بس استنى الحظاظة المعفنة ب2 بس عند الراجل المعفن اللى جنبه
تحياتى هاتى بوسة بقى
مشمشية قلبي
بصي ياقمر انا طبعا بحترم رأيك جدا ومن حقك إنك تحبيه ومش من حقي إني ألومك في حاجة وأنا اصلا مش بلوم معجبين تامر لأ أنا بلومه هوه لأنه في موقف حساس وبيتأثر بيه الملايين يعني لازم ياخد باله من تصرفاته شوية يعني واحد زي تامر بكل جاذبيته دي لو استغلها صح هيغير حاجات كتير قوي
ثانيا مشروع مصر الخير أنا معرفش عنه حاجات كتير بس اللي فهمته منك إنه مشروع خيري كبير جدا ودي حاجة كويسة بس مش معنى كده إنه كده بقى شخص رائع بالعكس لو كل واحد طلع غنى بأسلوبه ده وبعدين عمل عمل خيري يبقى على الدنيا السلام وفي ناس كتير زيه وعاملين مشاريع خيرية كتير بس معظمها مابيبقاش الخير للخير لكن ممكن يكون لحاجات تانية كتير
كل الاحترام
فتاة من الصعيد
إهدا ياباشا إحنا صعايدة برضو ياكبيرة
ههههههههه
طيب أهوه طلع هو اللي وراها ياللا هاتي بوست حلو من بوستاتك بقى أنتي وعدتيني خلاص ولو كتبتي البوست أنا هاغير اسم المدونة وأخليها تمورة علشان هيبقى هوه اللي رجعك لينا تاني ياقمر
وياريت يا مروة تحكيلنا بالتفصيل الموضوع
وحشتيني ياعسل
امووووووووووووه
Pink Dreams
فعلا ياشوشو الموضوع بقى مستفز جدا أنا لما كنت بحضر الموضوع أول ما أعمل سيرش على جوجل يطلع يقولي محاولات إفشال ألبوم تامر حسني ومحاولات فش عضلات عمرو دياب وأخر هرتلة والله خسارة الشباب اللي كان ممكن يعمل حاجة واللي قاعد يهرتل على النت والتلفزيون
منورة ياشوشو
عمرو إمام
عندك حق والله يا أستاذ عمرو دول بيضربوا قلب المجتمع المصري في عقولهم يعني بيدمرونا من كل ناحية
تحياتي
صبرني يارب
هوه مين سعد عبد الوهاب ده اصلا
الاتنين اصلا فاشلين مايغنو ولا يلزقوا شعرهم إحنا مالنا بس هايحتلونا ويبوظونا معاهم ليه
معقولة مش عارفة هما بيقلدوا مين طبعا بيقلدوا على علوكة وأشرف كخة
هع هع
صبرنا جميعا يارب
رنونتي
يعني بايتة هنا من أمبارح وصاحية من النوم تكملي كمان
لااااااا باين عليكي مش متحيزة خالص كل ده علشان الصورة معلش خلاص مش هاشيلها
بصي بقى ياروح قلبي أنا بقول إنه في وضع بيخلي الناس كلها بتقلده وهوه عارف ده كويس قوي بس عاجباه الشغلانة إن نص البلد بتتحدف عليه ولازم كمان يبقى عارف إن من استن سنة سيئة فعليه وزرها ووزر كل من عمل بها إلى يوم القيامة وخلينا نبقى واقعيين شوية هوه مين أول واحد افتكس حكاية القمصان المفتوحة دي مع إنها حررااااااام شرعا هي والبنطلونات النو ويست مش هوه
وبعدين هوه وعمرو دياب وكلهم بيستغلو شهرتهم وتأثيرهم بصورة سيئة جدا
وبعدين ما الإعلام هوه اللي نشر كلمة موزز وفكرة ان الشاب لازم يكون معلق ستين واحدة الإعلام كله أصلا منظمة فاسدة تماما
ميخو حبيب هارتي السكرة
أنت مش ملاحظ ياميخو إن اللي أتأثر بيه وبيقلده هما بس الفشلة واللي مش لاقيين حاجة تلمهم هوه بقى بستايله جمعهم
تقدر تقارن بينه وبين واحد زي عمرو خالد " النقيض تماما "
وحشتني يامخمخة ياعسل
دكتورتي ستوتة
والله اسم فيلم يجنن وياترى مين المخرج خالد يوسف إن شاء الله
على فكرة الصورة دي صورة واحد أفغانستاني شبه تامر حسني بس أنا شاكة وحاسة إنها أشاعة ودي صورته وهوه في ريعان شبابه
ههههههههههههه
سلام
ميويا الأموره
والله طلعت باتنين جنيه بس ضحك عليا عم شعبان روشنة والنبي لأروح أجيب منه النص جنيه وأحوش وأجيب واحد من عند عمو اللي جنبكم
هههههههههههه
وادي البوسة ياقمر
أموووووووووووووووووووووووووووه
العيب مش فى تامر ولا عمرو,,العيب فى اللى بيعملوا ليهم تماثيل..
الاتنين نسمعهم مفيش مشكله ونسمع غيرهم بسسسسسسسسسسسسسسسسسس مش نموت ونقطع بعض علشانهم.
ههههههههههههههه
عليه العوض يابني في كل حاجة
السلام عليكم
هههههههههههههه
مدونتك جميله
وحسك الفكاهي رائع
سعيده باكتشافي لمدونتك اللذيذه
تقبلي اول مرور لي هنا
تحياتي
شيما الشعب
مية مية والله ياشيما هو ده اللي أنا عمالة أقوله من الصبح أنتي قولتيه في كلمتين اللي عاوز يسمع يسمع واللي عاوز يغني يغني بس مايجريش زي العبيط ورا حد كده
تسلمي
مواطن شجاع
يابنتي على فكرة
بس ولا يهمك عادي يعني
تحياتي وشرفتني بأول زيارة
sweet angel
كيرسي قوي على الكلام الحلو ده بس أنا مقدرش عليه
ويارب تنوريني دايما كده ياقمر
هاهاهاهاهاهاهاهاهاهاها
واللهى حاجة غريبة مش بس عمروية وتيمورية لا وفى اليسية ونانسية الشباب كله بقى كدا بنات واولاد مش فاهمة هم بيسمعوا اغنية كلمات ولحن وصوت
ولا بيشفوا سلسلة وجل ودقن وفستان وتى شيرت
هو تامر لية اغانى روعة انا شخصيا بحب البوم حب كله على بعضة كدا واغانى تانية كتير احساسة فيها عالى اوى
بس فى اغانى تانية لا ترقى انها تتسمع اساسا
وفى كل الاحوال بسمع الموسيقى الحلوة اللى تعجبنى وخلاص بعيدا عن شخصية المغنى والهيافة دى
انا مجتش البوست اللى فااااااااات
اعااااااااا سمحيلنى وصدقينى ظروف وجوبات صعبة شوية يارب تكونى بخير
وكل عيد سعيد وانتى بصحة وسعادة
تقبلى مرورى
ازيك ياشكولاته
يارب تكونى بخير
انا ليا سؤال صغنن
هو اللى شعره واقع واقرع زى حلاتى يشترى فيانسيه من ابوكام بالظبط؟؟
الله يسترك ياشيخه تقوليلى احسن الموضوع ده تاعبنى خالص ومبوظ اللوك التمورى بتاعى
هههههههههههههههههه
طفلة رومانسية
ياستي ولا يهمك أكنك جيتي وعيدتي كمان المهم أنتي تكوني بخير ويكون اللي شاغلك كل خير ياحبيبتي
ده أنتي كمان بعدك مش مخليكي شايفة القرف اللي احنا بقينا عايشين فيه والله من تحت راس الناس الهايفة اللي بتقلد وخلاص دي
منورة يا أم سومة
المعتصم
لأ ماينفعش ده احنا صعايدة ودمنا حامي ومعندناش حد يعمل فيها تمورة ولا عمورة حتى بس لو مصمم يعني يؤسفني أقولك يا أستاذ مصطفى إن مشوارك لسه طويل الأول لازم تروح عند دكتور كابور لحد ماربنا يكرمك وينبتلك شعرايتين كده ممكن تظبطهم بشوية مية او زيت درة مش لازم تكلف نفسك :)
تحياتي
هاتفيك جدا
http://noureldens.maktoobblog.com
نور الدين
شكرا على الزيارة ومدونتك حلوة فعلا
تحياتي
بجد مش عارفة ليه كل ده و ع ايه ولا عارفة ليه الناس منقسمة فريقين تامر و عمرو و الاتنين نازلين تهزيق في بعض
بجد مش عارفة التفاهة هتودينا لحد فين
أميرة على كوكب مهجور
هتودينا في داهية وهاتخلينا أضحوكة العالم علشان الناس بقيت بتفكر بالفيمتو ثانية والعلاج بالذهب وإحنا لسه بنقول أهلاوي ولا زملكاوي وتموري ولا عموري
تحياتي ياقمر
هههههههههههههههههههههه
اسلوبك زى العسل يا شوكلاته
وبعدين الرجل ده تنح ومش بحبه
لله فى لله كده
ناس فاضيه والفاضى يعمل ايه
الفاضى يقلد تامر
الا هو التعليق بشوكلاتيه بجد
طب كده ليا عندك 2 شوكلاته
وادى التالته
هافلسك النهارده
والرابعه
ههههههههههههههههههههههههههههه
هى وصلت للسجود ؟؟؟؟؟
حسبى الله ونعم الوكيل
بقى هم دول الشباب اللى هايرفعوا راية الاسلام
ربنا يقصف رقبتهم واحد واحد
ثم ان المرء يحشر مع من احب
شوفى بقى الشباب والبنات دول هايحشورا مع مين
الطف بينا يا رب
ليس فقيرا من يحب
ياسلام ياختي ياسلام كل دي شوكولاتة عاوزاه ليه إن شاء الله
وانا اديكي كل الشوكولاتة اللي معايا واقعد اغني ظلموه لوحدي بقى من غير شوكولاتة
امبوسيبل هي شوكولاتاية واحدة بس الشوكولاتة مش بعزقة
ههههههههه
ليس فقيرا من يحب
انا حاسة انك كده بتخبطي في الحلل ده في ناس بقطعوكي تقطيع لو سمعوكي بتتكلمي عن تمورة كده
بس كلمة في سرك ولا انا بطيقه
وحشتيني ياروني ياعسل
سبهللة
اهيه وصلت يارانيا ده انا دمي فار لما شوفت الصورة مين ده علشان الناس تحبه اصلا مش تسجدله
ربنا يلطف بينا ويرزق الامة دي اللي يرفع رايتها بجد
دمتي بخير
هو ساع ة بحب اسمع لة اغانى صراحة بس هو كشخية زى الزفت مش احبة و شمش احب اشوف شكلة اصلا بتضايق
عمرو وائل
قد يعجب البعض بأغانيه بس أنا هنا بتكلم عن شخصيته اللي بيحاول يفرضها على الناس من خلال الحاجات الغريبة اللي بيعملها
في اللحظة اللي انت كنت بتكتب فيها التعليق ده انا كنت في مدونتك بقرا موضوعك
صدفة غريبة والأغرب انها اول زيارة لينا احنا الاتنين
تحياتي
الابنة الغالية شوكولاتة
متشكرة قوى ياحبيبتى
على سؤالك عنى وانا رديت على
سؤالك هناك والحمد لله على كل شىء
ربنا مايحرمنى منك بس قوليلى
انتى بتجيبى العسل ده كله منين
وبعدين انا عاوزة اطمن على اللى قلتى عليه اظن فهمنى
تحياتى
سبحان الله المدونات بتتلاقى ف لحظة واحدة هههههههههههه
شرفتيني بزيارتك و يارب مش تتقطع عنى دايما
بس بجد تامر احساس يعني اسمعية ف الراديو بس ههههههههه محدش يشوفة لانة مستفز لابعد حد ههههههه
أم مالك
ألف مليون سلامة عليكي والله زعلتيني قوي عليكي وربنا يارب يقومك بالسلامة والحمد لله إنها جات على قد كده بس المهم ترجعيلنا بقى بسرعة علشان وحشتينا قوي فعلا
الموضوع تقريبا متعلق بس كله خير أنا عملت صلاة الحاجة وربنا يوفقني للي فيه الخير يارب
شكرا على اهتمامك وربنا مايحرمنا من بعض أبدا
عمرو وائل
أنا اتفاجئت لما جيت ولاقيتك في مدونتي بس عندك حق فعلا
أكيد طبعا يا أستاذ عمرو مش هاتكون آخر زيارة لأن مدونتك لذيذة قوي
تحياتي
امممم
اكيد الاعجاب بشخص ما
لازم يكون منبني على اساس صح
يعني اعجب فيه على مواقفه
على تصرفاته
على حسن خلقه
على صفه حميده فيه
مش على غناءه وطربه!!
bgd rbna yhdy el shabab wlbanat ely byday3o watohm w3mrohm ftafahat
اقصوصة
المشكلة إن مابقاش في حد بيفكر كده معظم الشباب بقوا بيجروا ورا أي حاجة هايفة علشان يجذبوا الانتباه ليهم وخلاص
أحييكي على وجهة نظرك
طوبة ذهب وطوبة فضة
إزيك ياقمر وحشاني كتير قوي
ربنا فعلا يهدي الناس دي دول محتاجين معجزة تفوقهم من الضياع اللي هما عايشين فيه ده
تحياتي
انا بحب تامر بس اية الشاب الى سجدلة دة دة كفر
هههههههههههههههههههه
ههههههههههههههههههههههه
يخرب عقلك يابنتي من ساعة ما لمحت اسم البوست عندي وانا هتجنن وادخل اقراه
ههههههههههههههههههه
جبتي المفيد ومن الاخر
بس نسيتي حاجة مهمة يابنتي
يزرعوا شوية حشيش في صدرهم هههههههههههه زلنا بشعر صدره جته القرررررررررف :]
على فكرة انا بحب اغانيه جدا واحساسه عالي وبيعجبني صوته
لكن مش بحبه وبكره هيافة البنات الي بتجري عليه وبتبوس وبتحضن
وكله كووم ومصيبة الي بيسجدله دا كوووم
جتهم ستين خيبة
مهما عجبني صوت مغني عمري ما افكر احبه ولا اعبره اسمع اغانيه وبس
ربنا يهدي
ميرررسي ياقمراية عالبوووست التحفة
امووووووواه
الدلوعة
ده تخلف وعبط وهيافة ان واحد يحب حد للدرجة الجنونية دي
تحياتي
نوارة
في ناس كتير قوي فعلا بيحبوه بس مش الهبل ده يعني لو حتى بحب رجل دين مش هاعمل معاه كده
منورة ياقمر
إرسال تعليق